الماتىدا ەر ادامدى ارىققا لاقتىرىپ جىبەرگەن جۇرگىزۋشى ۇستالىپ، جاۋاپقا تارتىلدى
الماتى قالالىق پوليسيا دەپارتامەنتىنىڭ مالىمەتىنشە، ساتپايەۆ پەن بايتۇرسىنوۆ كوشەلەرىنىڭ قيىلىسىندا جۇرگىزۋشىلەردىڭ وتۋىنە كەدەرگى جاساپ، اپاتتى جاعداي تۋعىزعان ەر ادامدى ارىققا لاقتىرىپ جىبەرگەن جۇرگىزۋشى ۇستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ماس ەر ادامدى جول جيەگىنەن ارىققا لاقتىرىپ جىبەرگەن شەتەلدىك كولىك جۇرگىزۋشىسى انىقتالىپ، جاۋاپقا تارتىلدى. ول – 1988 جىلى تۋعان ن.ەسىمدى ازامات. ال 28 جاستاعى پ. ەسىمدى ازاماتتىڭ العان دەنە جاراقاتىنىڭ اۋىرلىعىن انىقتاۋ ءۇشىن سوت-مەديسينالىق ساراپتاما تاعايىندالدى»، - دەپ حابارلادى پوليسيادان.
ايتا كەتەيىك، وقيعا ۆيدەوسى الەۋمەتتىك جەلىدە تاراعان بولاتىن. كەيىن ءتارتىپ ساقشىلارى جول جۇرىسىنە كەدەرگى كەلتىرگەن 28 جاستاعى الماتىلىق ازاماتتىڭ ورتاشا دارەجەدە الكوگولدىك ماس كۇيدە بولعانىن انىقتادى. ول "اكiمشiلiك قۇقىق بۇزۋشىلىق تۋرالى" زاڭنىڭ 615 جانە 440-باپتارى بويىنشا جاۋاپقا تارتىلدى.