سوڭعى ۋاقىتتا ەلىمىزدە حالىق قالاۋلىلارىنا قاتىستى اقپاراتتىق شابۋىل جاساۋ ۇردىسكە اينالىپ كەتكەندەي.
بۇدان بۇرىن داۋلەت تۇرلىحانوۆتىڭ ۇلدارىنا قاتىستى ۆيدەولار جەلىدە تاراپ، سپورتشىنى بالا تاربيەسى ءۇشىن كىنالاعاندار بولدى.
سونىمەن قاتار جەر داۋىنا بەلسەنە ارالاسىپ جۇرگەن زاڭگەر دەپۋتات باقىتجان بازاربەكتىڭ ءسابيىنىڭ كولياسكاسىن ورتەپ جىبەرگەنىن دە جازعانبىز.
ەندى ەڭ تومەنگى جالاقى مولشەرىن كوبەيتۋ تۋرالى ايتقان رينات زايىتوۆتى دەپۋتاتتىق مانداتىنان ايىرۋ جايىندا پەتيسياعا قول جينالىپ جاتىر، دەپ حابارلايدى Almaty-akshamy.kz ءتىلشىسى.
داۋدىڭ باسى رينات زايىتوۆتىڭ «ادىرنا» ۇلتتىق پورتالىنا بەرگەن YouTube ارناسىنداعى سۇقباتتان باستالدى.
وندا رينات زايىتوۆ قازاقستاندا الاياقتىقتىڭ 80 پايىزىن نامازحاندار جاسايدى دەگەن بولاتىن.
پەتيسياعا قول جيناۋشىلار رينات زايىتوۆتىڭ بۇل ءسوزىن قازاقستان رەسپۋبليكاسى ازاماتتارىنىڭ ار-نامىسى مەن قادiر-قاسيەتiنە نەگiزسiز نۇقسان كەلتiرiپ، قازاقستان رەسپۋبليكاسى ازاماتتارىنىڭ كونستيتۋسيالىق قۇقىقتارىنا نۇقسان كەلتiرۋ، قورلاۋ جانە بۇزۋ ارقىلى جالپىحالىقتىق رەزونانس تۋدىردى دەپ وتىر.
پەتيسياعا قول جيناعان اlash.online پورتالى قازاقستاندا «ءوزىن مۇسىلمان سانايتىن جانە ءار جۇما سايىن جۇما نامازىن وقيتىن 15،6 ميلليوننان استام ازامات بار» دەگەن دەرەك كەلتىرىپتى. پورتالدىڭ جازۋىنشا، «رينات زايىتوۆتىڭ انىقتاماسىنا سەنسەڭىز، قازاقستان رەسپۋبليكاسىنىڭ 15،6 ميلليون ازاماتى الاياقتىق ارەكەتتەر جاسايدى، بۇل شىندىققا ساي كەلمەيدى».
ال ستاتيستيكا اگەنتتىگىنىڭ سايتىندا جاريالانعان 2021 جىلعى حالىق ساناعىنىڭ قورىتىندىسى بويىنشا ەلىمىزدەگى 19 186 015 ادامنىڭ 13 297 775ء-ى مۇسىلمان دىنىندە دەپ كورسەتىلگەن. ءبىراق بۇل 13 ميلليوننان استام مۇسىلماننىڭ ءبارىن بىردەي نامازحان دەپ ايتا المايمىز. مۇنىڭ ىشىندە بالالار مەن ناماز وقۋعا دەنساۋلىعى جارامايتىن ازاماتتار دا بولۋى ابدەن مۇمكىن. سوندىقتان پورتالدا جازىلعان «15،6 ميلليون نامازحان ازامات» دەگەن سان اسىرەلەۋ ەمەس پە دەگەن كۇدىك تۋدىرادى جانە جۇما نامازعا بارعان جاماعاتتىڭ ءبارىن نامازحان دەۋگە بولار ما ەكەن؟ جالپى دەپۋتاتتارعا جاسالعان اقپاراتتىق شابۋىلدىڭ ارتىندا سىرتقى كۇشتەردىڭ مۇددەسى تۇرعان جوق پا؟