ەلەكتر كولىكتەرىنىڭ ارتىقشىلىقتارى مەن كەمشىلىكتەرى

ەكولوگيالىق احۋال كۇن وتكەن سايىن كەرى كەتىپ بارادى. وعان كولىكتەردىڭ تيگىزىپ وتىرعان اسەرى وتە كوپ. سوندىقتان الەم ەلدەرى تابيعاتقا زيانى تيمەيتىن كولىككە كوشۋدى كوزدەپ كەلەدى. ناتيجەسىندە ەلەكتر كولىكتەر كوپشىلىكتىڭ نازارىنا ۇسىنىلدى. العاشىندا ءبىزدىڭ ەلگە ءالى ءازىر كەلە قويماس دەگەن كۇدىكتى وي بولعانى راس. ءبىراق، بۇگىنگى كۇنى كوشەدەگى ءجۇز كولىكتىڭ اراسىنان 20 ەلەكتروموبيلدى كوشەمىزدە كەتىپ بارا جاتقانىن بايقاۋعا بولادى. دەمەك، الەمدە باعاسى قىمبات "تەسلاعا" اسا تاڭىرقاۋ تانىتپايتىن دا بولدىق. جالپى وسى كولىكتەردىڭ ارتىقشىلىعى مەن كەمشىلىگىنە توقتالساق. 

ەلەكتروموبيلدەردىڭ ارتىقشىلىقتارى

نەگىزىنەن ەلەكتر كولىكتەرگە نازار اۋدارعان ءجون. ويتكەنى ارتىقشىلىقتار كوپ. جالپى، كەمشىلىكتەر جوق دەۋگە بولمايدى. ءبىراق، وندىرۋشىلەر كەمشىلىكتەردى جويۋعا تىرىسىپ باعۋدا. ەلەكترلىك كولىكتەردىڭ ەڭ نەگىزگى ارتىقشىلىعى ەكولوگياعا زيانى جوق. 

زاريادتاۋ قۇنى

ونىڭ باستى ارتىقشىلىعى بولىپ تابىلادى. نەلىكتەن؟ باستى ەسكەرەتىن ماسەلە، كادىمگى جانۋ قوزعالتقىشتارى بار كولىكتەرمەن سالىستىرعاندا ەلەكتر كولىگىنە شىعىن كوپ كەتپەيدى. ءبىراق مۇنداي كولىكتەردى قۋاتتاۋ ورتالىقتارى ەلىمىزدە تاپشى. سوندىقتان ارنايى ىزدەپ بارىپ، ۋاقىتىڭىزدى ءبىر جوعالتساڭىز، قۋاتتاۋعا ەكى-ۇش ساعاتىڭىزدى سارپ ەتكىزەسىز. سونىمەن قاتار، ەلىمىزدە كولىكتىڭ بۇل تۇرىنە سالىق الىنبايدى. بۇل دا قارجىڭىزدىڭ بەلگىلى ءبىر مولشەرىنىڭ ۇنەمدەلۋىنە الىپ كەلەدى. 

ءقاۋىپسىز جانە تىنىش جۇمىس  

ەلەكتروموبيلدە جانارماي باگى جوق، سوندىقتان ول اپات كەزىندە الدەقايدا ءقاۋىپسىز جانە جارىلىس تۋدىرمايدى. ەڭ ءبىر ەرەكشەلىگى كولىكتى وتالدىرعاندا نەمەسە جۇرگەن كەزدە داۋىس بولمايدى. قالا ىشىندە ارتىق شۋ تۋىنداتپايدى. 

ەلەكتروموبيلدەردىڭ كەمشىلىكتەرى

ەش كەمشىلىكسىز كولىك جاسالىپ شىققان جوق. جاسالعان كولىكتى جىلدار وتە كەلە دامىتىپ، كەمشىلىگىن جويۋ ءۇشىن كۇش سالىنىپ كەلەدى. دەمەك، ەلەكتروموبيلدەردىڭ دە كەمشىلىكتەرى بار. ماسەلەن، باتارەيالاردى تولىق قۋاتتاعان كۇننىڭ وزىندە جانارمايمەن جۇرەتىن كولىكتەردىكى سياقتى قاشىقتىقتى باسىپ وتە المايسىز. توكتىڭ قۋاتى تەز ءبىتىپ قالادى. سونان كەيىنگى باستى ماسەلە ۇلكەن قالانىڭ ىشىندە عانا جۇرە الاسىز. كەلەسى ءبىر قالاعا شىعۋ ءۇشىن جولدا قۋاتتاۋ ستانسيالارىن تاپپاي قالاسىز. بۇل جاعى ەلىمىزدە ۇكىمەت تاراپىنان ەسكەرىلۋى ءتيىس. ەندى ماڭىزدىسى، باعاسىندا. ەلەكترلى كولىكتەردى ەكىنىڭ ءبىرى ساتىپ الا المايدى. وسى ولقىلىقتىڭ ورنىن تولتىرۋ ءۇشىن، قىتايدىڭ الپاۋىت زاۋىتتارى كىرىسكەن سەكىلدى. نارىققا شىققان كولىكتەرى كوركىمەن كوپشىلىكتىڭ نازارىن اۋدارسا، باعا تومەندىگى دە ساۋدالانۋ بارىسىنا اسەر ەتىپ وتىر.