اقمارال ءالنازاروۆا Instagram جەلىسىندەگى پاراقشاسىندا ارىپتەسىنىڭ قازا تاپقانى تۋرالى حاباردى تەرەڭ كۇيزەلىسپەن قابىلداعانىن اتاپ ءوتتى، دەپ حابارلايدى aqshamnews.kz
"جەدەل مەديسينالىق جاردەم فەلدشەرى ناسيبا مۇحتار قىزى جاڭابايەۆانىڭ قىزمەتتىك مىندەتىن اتقارۋ كەزىندە قازا تاپقانى تۋرالى قارالى حاباردى تەرەڭ كۇيزەلىسپەن قابىلدادىم. ناسيبا نەبارى 23 جاستا ەدى، ءتورت اي بۇرىن عانا الماتى قالاسىنىڭ جەدەل جاردەم قىزمەتىنە جۇمىسقا تۇرعان بولاتىن. وسى قىسقا ۋاقىت ىشىندە ول ءوز مىندەتىنە جاۋاپتى، ادال، جاناشىر، ءارقاشان كومەك كورسەتۋگە دايىن مەديسينا قىزمەتكەرى رەتىندە تانىلدى. ناسيبا مۇحتار قىزىنىڭ تۋعان-تۋىستارىنا، جاقىندارىنا، ارىپتەستەرىنە جانە الماتىنىڭ بۇكىل مەديسينالىق قاۋىمداستىعىنا قايعىرىپ كوڭىل ايتامىن"، - دەپ جازدى مينيستر.