الماتىدا قىستا قالا تۇرعىندارى ءۇشىن بىرنەشە تەگىن مۇز ايدىندارى اشىلدى. ولاردىڭ مەكەنجايى قانداي؟ قالاي بارۋعا بولادى؟ تولىعىراق اqshamnews.kz ماتەريالىندا.
قاي جەردە اشىلادى؟
اكىمدىك مالىمەتىنشە، تەگىن مۇز ايدىندارى مىنا لوكاسيالاردا ۇيىمداستىرىلماق:
- الاتاۋ اۋدانى – "الماتى ارەنا" مۇز كەشەنى
- بوستاندىق اۋدانى – تۇڭعىش پرەزيدەنت ساياباعى
- بوستاندىق اۋدانى – نازاربايەۆ داڭعىلىنىڭ باتىسىندا، گاندي كوشەسىنىڭ سولتۇستىگىندە ورنالاسقان سكۆەر
- مەدەۋ اۋدانى – رەسپۋبليكا سارايى
- مەدەۋ اۋدانى – "حالىق ارەنا" مۇز كەشەنى
- مەدەۋ اۋدانى – 28 گۆاردياشى-پانفيلوۆشىلار ساياباعى
- ناۋرىزباي اۋدانى – اۋدان اكىمدىگى اۋماعى
- تۇركسىب اۋدانى – سەيفۋللين اتىنداعى پارك
- جەتىسۋ اۋدانى – "Kokjiek Garden" پاركى
- جەتىسۋ اۋدانى – "گۇلدەر" پاركى
- المالى اۋدانى – قبتۋ اۆتوتۇراعى
قاشان اشىلادى؟
الاڭدار اۋا رايى مينۋس گرادۋسقا تۇراقتى تۇسكەننەن كەيىن، جەلتوقساننىڭ ورتاسىنا قاراي، جۇمىستارى اياقتالعاننان كەيىن كەزەڭ-كەزەڭىمەن اشىلادى.
اكىمدىك مالىمەتىنشە، 6 ورىندا مۇز قۇيۋ جۇمىسى باستالىپ، قالعان نىسانداردا قاجەت دايىندىق شارالارى جۇرگىزىلىپ جاتىر.
قايتا-قايتا بارۋعا بولادى ما؟
ءيا، كىرۋ تەگىن، ال كەلۋشىلەر ءوز كونكيىن اكەلۋگە نەمەسە الاڭ جانىنداعى جالعا بەرۋ پۋنكتتەرىنەن الۋعا بولادى (جالداۋ قۇنى بولەك تولەنەدى).
الماتى اكىمدىگى نە دەيدى؟
قالا اكىمدىگى تۇرعىندارعا ءقاۋىپسىز ءارى وتباسىلىق دەمالىس ۇسىنۋدى ماقسات ەتەدى.
"قالالىق قىزمەتتەر مۇزدى ساپالى قۇيۋ جانە تۇرعىنداردىڭ جايلى دەمالۋىن قامتاماسىز ەتۋ ءۇشىن كۇشەيتىلگەن رەجيمدە جۇمىس ىستەپ جاتىر"، – دەلىنگەن حابارلامادا.