ۇكىمەتتە دەنساۋلىق ساقتاۋ ينفراقۇرىلىمىن دامىتۋدىڭ 2024-2030 جىلدارعا ارنالعان تۇجىرىمداماسى قابىلداندى، دەپ حابارلايدى almaty-akshamy.kz
تۇجىرىمدامانى ىسكە اسىرۋ دەنساۋلىق ساقتاۋ ينفراقۇرىلىمى نىساندارىنىڭ توزۋىن 30%-عا دەيىن، ۇلگىلىك ەمەس (بەيىمدەلگەن نىسانداردىڭ) ۇلەسىن 25%-عا دەيىن تومەندەتۋگە، مەديسينالىق نىسانداردىڭ جاراقتاندىرىلۋىن 88%-عا دەيىن ۇلعايتۋعا جانە ولاردى نورماتيۆتەرگە سايكەس بىلىكتى مەديسينا كادرلارىمەن قامتاماسىز ەتۋگە مۇمكىندىك بەرەدى. بۇل تۋرالى ق ر ۇكىمەتىنىڭ وتىرىسىندا دەنساۋلىق ساقتاۋ ءمينيسترى اقمارال ءالنازاروۆا مالىمدەدى.
بۇگىندە قازاقستاندا 7 337 مەملەكەتتىك دەنساۋلىق ساقتاۋ نىسانى مەديسينالىق قىزمەت كورسەتەدى: 663 – ستاسيونارلىق، تاعى 6 674 – العاشقى مەديسينالىق-سانيتارلىق كومەك نىسانى. سوڭعى 5 جىلدا 400-دەن استام دەنساۋلىق ساقتاۋ نىسانى سالىندى جانە 4000-نان استام دەنساۋلىق ساقتاۋ نىسانى جوندەلدى. 261 ملرد تەڭگەگە مەديسينالىق جابدىقتار ساتىپ الىندى. الايدا، توزۋدىڭ جوعارى دەڭگەيى وزەكتى ماسەلە بولىپ قالىپ وتىر.
تۇجىرىمداما شەڭبەرىندە ينفراقۇرىلىمدى جوسپارلاۋ پروسەسى ۇزاق مەرزىمدى دەموگرافيالىق بولجامدارعا، سىرقاتتانۋشىلىق كورسەتكىشتەرىنە جانە حالىق قۇرىلىمىنا نەگىزدەلەتىن بولادى. توسەك-ورىن قورىن قايتا قۇرىلىمداۋ جانە دەنساۋلىق ساقتاۋ ينفراقۇرىلىمىن نورماتيۆتەرگە سايكەس كەلتىرۋ جونىندەگى ءىس-شارالار جۇرگىزىلەدى.
ناقتى ۋاقىت رەجيمىندە ۇتىمدى جوسپارلاۋدى، باقىلاۋدى جانە مونيتورينگتى جۇزەگە اسىرۋعا مۇمكىندىك بەرەتىن دەنساۋلىق ساقتاۋ ينفراقۇرىلىمىنىڭ سيفرلىق كارتاسى ازىرلەنەتىن بولادى.
تۇجىرىمدامانى ىسكە اسىرۋدىڭ 1 كەزەڭى دەنساۋلىق ساقتاۋدىڭ نەگىزگى جۇيە قۇراۋشى نىساندارىن جوبالاۋدى اياقتاپ، قۇرىلىسىن باستاۋدى قامتيدى. بۇل 11 440 توسەك-ورىندىق 34 نەگىزگى جوبالار. ايماقتار زاماناۋي كوپسالالى مەكەمەلەرمەن قامتاماسىز ەتىلەدى: 6 ۋنيۆەرسيتەتتىك كلينيكا، 14 اۋرۋحانا، 11 پەريناتالدىق جانە 3 ۇلتتىق ورتالىق. سونداي-اق دەنساۋلىق ساقتاۋدىڭ باسقا دا وبەكتىلەرىن كۇردەلى جوندەۋ جانە جاراقتاندىرۋ جۇمىستارى جالعاستىرىلادى.
2 كەزەڭدە جاڭا قۇرىلىس، جوندەۋ جانە قوسىمشا جاراقتاندىرۋ جولىمەن 2،5 مىڭ مەديسينالىق نىساندى جاڭعىرتۋدى جالعاستىرۋ كوزدەلگەن.
تۇجىرىمداما شەڭبەرىندە بالالارعا مامانداندىرىلعان جانە شۇعىل كومەك كورسەتەتىن توسەك-ورىندارىنىڭ تاپشىلىعىن جابۋ جونىندەگى شارالار دا پىسىقتالاتىن بولادى. ونىڭ ىشىندە 200 توسەك-ورىندىق بالالار ونكولوگياسى جانە گەماتولوگيا ورتالىعىنىڭ، 200 توسەك-ورىندىق بالالار حيرۋرگياسى ورتالىعىنىڭ، استاناداعى ۇلتتىق شۇعىل مەديسينانى ۇيلەستىرۋ ورتالىعىنىڭ جانىنداعى 200 توسەك-ورىندىق بالالار كورپۋسىنىڭ، سونداي-اق الماتىداعى يننوۆاسيالىق حيرۋرگيا ورتالىعىنىڭ قۇرىلىسى قاراستىرىلعان.