ۇكىمەت باسشىسى دەنساۋلىق ساقتاۋ ينفراقۇرىلىمىن دامىتۋدىڭ 2024-2030 جىلدارعا ارنالعان تۇجىرىمداماسىندا قاراستىرىلعان جوبالاردى ىسكە اسىرۋ كەزىندە كەشەندى ءتاسىلدى قامتاماسىز ەتۋدى تاپسىردى. بۇل رەتتە دەموگرافيالىق كورسەتكىشتەر، سىرقاتتانۋشىلىق دەڭگەيى مەن ەرەكشەلىگى ەسكەرىلۋى ءتيىس، دەپ حابارلايدى almaty-akshamy.kz
جاڭا مەديسينالىق مەكەمەلەردىڭ حالىقارالىق ساپا ستاندارتتارىنا، اتاپ ايتقاندا Joint Commission International (JCI) سايكەستىگىنە ەرەكشە نازار اۋدارۋ قاجەت. قازىرگى ۋاقىتتا JCI حالىقارالىق ستاندارتىنا قازاقستاندا تەك 9 مەديسينا ۇيىمى سايكەس كەلەدى.
«وسى ستاندارتتار بويىنشا اككرەديتتەلۋ دەنساۋلىق ساقتاۋ ساپاسىنىڭ “جوعارى دەڭگەيىن” كورسەتەدى. بارلىق دەنساۋلىق ساقتاۋ مەكەمەلەرى وسىنداي دەڭگەيگە ۇمتىلۋى كەرەك. سوندىقتان نەگىزگى وبەكتىلەردى جوبالاۋ كەزەڭىنەن باستاپ JCI حالىقارالىق ستاندارتىنىڭ تالاپتارى ەسكەرىلىپ كوزدەلۋى ءتيىس»، — دەدى ولجاس بەكتەنوۆ.
پرەمەر-مينيستر جالپى، دەنساۋلىق ساقتاۋدىڭ جاڭا جانە رەكونسترۋكسيالاناتىن بارلىق جوبالارىنا تۇراقتى مونيتورينگ جاساۋدى جولعا قويىپ، ونىڭ ىشىندە سيفرلاندىرۋ ارقىلى ىسكە اسىرۋ قاجەت ەكەنىن اتاپ ءوتتى.