"انا ءۇيى" قق اگەنتتىگىنىڭ ماقساتى -قازاقستاندىق قوعامدا قابىلداۋشى وتباسىلاردى كاسىبي دايارلاۋ، سۇيەمەلدەۋ جانە بالا اسىراپ الۋ مادەنيەتىن دامىتۋ، دەپ حابارلايدى اlmaty-akshamy.kz.
اگەنتتىكتىڭ ەلىمىزدىڭ 20 قالاسىندا كەڭەس بەرۋ كابينەتتەرى جۇمىس ىستەيدى. قور ماماندارى ءوز وتباسىلارىنا بالالار ۇيلەرى مەن جەتىمدەر ۇيلەرىنەن بالالاردى قابىلداعىسى كەلەتىن ازاماتتارعا (وتباسىلارعا) كونسۋلتاسيالىق كومەك كورسەتەدى. پسيحولوگتار قابىلداۋشى اتا-انالار مەكتەپتەرىندە (بۇدان ءارى – قام) الەۋەتتى اسىراپ الۋشىلاردى دايىندايدى، قام-دا ولار جاس پسيحولوگياسى تۋرالى، اسىراندى بالامەن بايلانىس ورناتۋ جانە بۇكىل وتباسىنىڭ جاڭا وزگەرىستەرگە جۇمساق بەيىمدەلۋى جايلى قۇندى ءبىلىم الادى. جالپى، وسىنداي جاۋاپتى قادامعا بەل بۋعان ازاماتتاردىڭ بارلىعى قابىلداۋشى اتا-انالار مەكتەبىنەن ءوتۋءى قاجەت.
قام ماقساتى – اتا-انالاردى بالالار ۇيىنەن بالانى قابىلداۋعا دايىنداۋ، بارلىق قاجەتتى اقپاراتتى بەرۋ، داعدىلاردى ۇيرەتۋ، ماڭىزدى سۇراقتارعا جاۋاپ تابۋعا كومەكتەسۋ، وزدەرىنىڭ مۇمكىندىكتەرى مەن شەكتەۋلەرىن ءتۇسىنۋ، قابىلداۋشى اتا-انا بولۋعا دايىندىعىن ءتۇسىنۋ.
قام ءوتۋ بارىسىندا ۇمىتكەرلەر اسىراپ الىنعان بالانىڭ ەرەكشەلىكتەرى مەن قاجەتتىلىكتەرى تۋرالى تۇسىنىك الادى؛ قابىلداۋشى اتا-انا رەتىندە وزدەرىنىڭ قابىلەتتەرى مەن مۇمكىندىكتەرىن تۇسىنەدى؛ وتباسىنا قانداي بالانى قابىلداي الاتىنىن جانە قانداي قابىلداۋ ءتۇرى قولايلى ەكەنىن تۇسىنەدى.
بالالاردى ورنالاستىرۋ سالاسىندا كەشەندى ءتاسىل وتە ماڭىزدى. ۇمىتكەردى وقىتىپ قانا قويماي، وعان قانشا قاجەت بولسا، سونشا ىلەسپە كومەك كورسەتەدى. سوندىقتان، ءبىزدىڭ جۇمىسىمىزدا مىندەتتى باعىت – قابىلداۋشى وتباسىعا ىلەسپە كومەك كورسەتۋ. جۇمىس تاجىريبەسىنەن بىلەتىنىمىز، بالا وتباسىنا كەلگەننەن كەيىن ەڭ قيىن كەزەڭ - بەيىمدەلۋ باستالادى. وسى ۋاقىتتا پسيحولوگ پەن الەۋمەتتىك جۇمىس جونىندەگى ماماننىڭ وتباسىعا كاسىبي ىلەسپە قولداۋ كورسەتۋى وتە ماڭىزدى.
ىلەسپە كومەك كورسەتۋدىڭ ءار ءتۇرلى فورمالارى بار - بۇل وتباسىنا بارۋ، ماماندارمەن كەزدەسۋ، پسيحولوگيالىق كەڭەس بەرۋ سەكىلدى كوپتەگەن كومەكتەر. ىلەسپە كومەك بالانى قايتارۋدىڭ الدىن الۋ شاراسى رەتىندە قاجەت.
وتباسىندا بالالار ۇيىنەن كەلگەن بالانىڭ جاراقاتتارى اشىلا باستايدى. ءبىزدىڭ پسيحولوگتاردىڭ ايتۋىنشا، "بال ايى" اياقتالعاننان كەيىن، بۇل ادەتتە ءبىر، ەكى، ءۇش ايدان سوڭ بارلىق وتباسىلاردا "ۇيرەنىسۋ" باستالادى. وسى كەزدە قابىلداۋشى وتباسىلارعا قولداۋ مەن كومەك قاجەت. ءبىزدىڭ پسيحولوگتار ءار وتباسىنا كومەكتەسۋگە تىرىسادى.
بۇگىنگى تاڭدا بالا اسىراپ الۋ جونىندەگى ۇلتتىق اگەنتتىكتىڭ كومەگىمەن قازاقستاندىق وتباسىلارعا 1890 بالا ورنالاستىرىلدى (بۇل سيفرا ۇنەمى ءوسىپ كەلەدى)
2022 جىلدىڭ مامىر ايىنان باستاپ پيلوتتىق جوبا ىسكە قوسىلدى.
پيلوتتىق جوبا – جەتىم بالالار مەن اتا-اناسىنىڭ قامقورلىعىنسىز قالعان بالالاردى، مۇمكىندىگى شەكتەۋلى جانە دامۋ ەرەكشەلىكتەرى بار بالالاردى وتباسىنا تاربيەلەۋگە قابىلداۋدى جوسپارلاپ وتىرعان قازاقستان رەسپۋبليكاسىنىڭ ازاماتتارىن ىنتالاندىرۋعا جانە قولداۋعا باعىتتالعان "انا ءۇيى" قق قايىرىمدىلىق باستاماسى.
جوبانى 3 جىل ىشىندە جۇزەگە اسىرۋ جوسپارلانىپ وتىر.
قانداي كومەك كورسەتەمىز:
- قابىلداعاننان كەيىن بالالاردى وڭالتۋشى دارىگەرلەردىڭ تەكسەرۋىنەن ءوتۋدى ۇيىمداستىرامىز
- بالالاردىڭ مەديسينالىق وڭالتۋدان جانە (نەمەسە) پەداگوگيكالىق تۇزەتۋدەن ءوتۋى ءۇشىن تولەم جۇرگىزەمىز
- بالالاردىڭ وتا ەمىنە تولەم جاسايمىز (قاجەت بولسا)
- قابىلداۋشى وتباسىعا كونسۋلتاسييالىق جانە اقپاراتتىق كومەك كورسەتەمىز.