دەمالىس كۇندەرى قالىڭ قار جاۋادى

"قازگيدرومەت" 24، 25 جانە 26 قاڭتارعا ارنالعان اۋا رايى بولجامىن ۇسىندى، - دەپ حابارلايدى aqshamnews.kz

بولجامعا سايكەس، الداعى كۇندەرى قازاقستان اۋماعىنداعى اۋا رايىنا اتلانتيكا وڭىرلەرىنەن جىلجىپ كەلە جاتقان سيكلون مەن بەلسەندى اتموسفەرالىق فرونتتار ىقپال ەتەدى. سالدارىنان قار جاۋىپ، وڭتۇستىك وڭىرلەردە جاڭبىر مەن قار تۇرىندەگى جاۋىن-شاشىن ءتۇسىپ، بوران جانە جەل كۇشەيەدى.

اۋا تەمپەراتۋراسى قانداي بولادى؟
سيكلون ەل اۋماعى ارقىلى جىلجىعان سايىن قازاقستاننىڭ ەداۋىر بولىگىنە جىلى اۋا ماسسالارى كەلە باستايدى، بۇل اۋا تەمپەراتۋراسىنىڭ بىرتىندەپ جوعارىلاۋىنا اكەلەدى:

تۇنگى ۋاقىتتا ورتالىق جانە شىعىس وڭىرلەردە –5…–18 گرادۋسقا دەيىن،
وڭتۇستىك-شىعىستا –2…–7 گرادۋسقا دەيىن، تاۋلى ايماقتاردا –7…–15 گرادۋس.
قازاقستاننىڭ سولتۇستىك وبلىستارىندا تۇندە اۋا تەمپەراتۋراسى –20…–35 گرادۋسقا دەيىن جەتەتىن اياز ساقتالادى.
"سونىمەن قاتار قۇرامىندا سۋىق اركتيكالىق اۋا بار انتيسيكلون جوتاسى ەلدىڭ باتىس ايماقتارىنا تارالىپ، تۇنگى ۋاقىتتا اۋا تەمپەراتۋراسىنىڭ –15…–30 گرادۋسقا دەيىن، ال سولتۇستىك-باتىستا –20…–35 گرادۋسقا دەيىن تومەندەۋىنە اسەر ەتەدى"، - دەپ مالىمدەدى سينوپتيكتەر.