قازاقستان ۇلتتىق بانكىنىڭ ءتوراعاسى تيمۋر سۇلەيمەنوۆتىڭ ايتۋىنشا، ۇلتتىق بانك جىل سايىن ەلدەگى نەسيە بەلسەندىلىگىنە تالداۋ جۇرگىزەدى. ءتيىستى شولۋ 27 قاڭتاردا جاريالانادى.
ەكونوميكاعا، ياعني بيزنەسكە بەرىلەتىن نەسيەلەر كولەمى، كەرىسىنشە، ايتارلىقتاي وسكەن.
"11 ايدىڭ قورىتىندىسى بويىنشا بيزنەسكە بەرىلگەن نەسيەلەر 21،5 پايىزعا ارتتى"، – دەدى تيمۋر سۇلەيمەنوۆ.
ال كەپىلسىز تۇتىنۋشىلىق نەسيەلەۋ قارقىنى باياۋلاعان.
"حالىقتىڭ شامادان تىس قارىزدانۋى ينفلياسيا مەن سىرتقى تاۋەلدىلىككە اسەر ەتەدى، سەبەبى مۇنداي نەسيەلەر كوبىنە يمپورتتىق تاۋارلارعا جۇمسالادى. بۇل باعىتتا ءوسىم ايتارلىقتاي تومەندەدى. 11 ايدىڭ ناتيجەسىندە كەپىلسىز تۇتىنۋشىلىق نەسيەلەردىڭ ءوسۋى 7،3 پايىزدى قۇرادى. جىل قورىتىندىسىندا بۇل كورسەتكىش ودان دا تومەن بولادى. وسىلايشا، بيزنەسكە نەسيە بەرۋ مەن حالىقتى نەسيەلەۋ اراسىنداعى تەپە-تەڭدىك بىرتىندەپ قالپىنا كەلىپ كەلەدى"، – دەپ تۇيىندەدى ۇلتتىق بانك ءتوراعاسى.
ايتا كەتەيىك، بۇعان دەيىن ۇلتتىق بانكتىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى جىلدىق 18 پايىز دەڭگەيىندە، ±1 پايىزدىق تارماق دالىزىمەن بەلگىلەۋ تۋرالى شەشىم قابىلداعان بولاتىن.