الماتىدا وتكەن «داتا جۋرناليستيكا جانە جاساندى ينتەللەكت» فەستيۆالى جۋرناليستيكا سالاسىنىڭ وكىلدەرىن جيناپ، جاڭا تەحنولوگيالار مەن زاماناۋي ترەندتەردى تالقىلادى، دەپ حابارلايدى aqshamnews.kz.
SDU اسسيستەنت پروفەسسورى جانە “Minber” قوعامدىق قورىنىڭ جەتەكشىسى، مەدياترەنەر ەسەنگۇل كاپ قىزى جۋرناليستيكانىڭ جاڭا ترەندتەرى مەن جاساندى ينتەللەكت قۇرالدارىنىڭ ماڭىزدىلىعىن اتاپ ءوتتى. ونىڭ پىكىرىنشە، زاماناۋي جۋرناليستيكادا جاڭا تەحنولوگيالاردى يگەرۋ وتە ماڭىزدى.
اسحات ەركىمباي، INTERNEWS KAZAKHSTAN ۇيىمىنىڭ مەديا ەكسپەرتى جانە SDU داتا جۋرناليستيكا وقىتۋشىسى «جۋرناليست جاساندى ينتەللەكت قۇرالدارىن قالاي قولدانا الادى؟ داتانى ءبىلۋدىڭ ماڭىزى» تاقىرىبىندا ارنايى ساباق وتكىزدى. ول جۋرناليستەرگە دەرەكتەردى ءتيىمدى پايدالانۋ جولدارىن كورسەتە وتىرىپ، جاڭا تەحنولوگيالاردىڭ اقپارات جيناۋداعى ءرولىن اتاپ ءوتتى.
Factcheck.kz وكىلى جانسەرىك تىلەۋحان «جي پايدالانعان كونتەنتتەردى انىقتاۋ جولدارى» تاقىرىبىندا تۇسىنىك بەرىپ، جاساندى ينتەللەكتپەن جۇمىس ىستەگەندە نازار اۋدارۋ كەرەك ماسەلەلەردى باياندادى. ونىڭ پىكىرىنشە، كونتەنتتىڭ شىنايىلىعىن انىقتاۋ جۋرناليستەر ءۇشىن ماڭىزدى داعدى بولۋى ءتيىس.
مەدياترەنەر، SDU جۋرناليستيكا مەكتەبىنىڭ اعا وقىتۋشىسى، ازاتتىق راديوسىنىڭ ءتىلشىسى ەلنۇر اليموۆا «جاساندى ينتەللەكت جانە مەديا ەتيكا» تاقىرىبىن قوزعاپ، جاڭا تەحنولوگيالاردىڭ جۋرناليستيكاداعى ەتيكالىق اسپەكتىلەرىن تالقىلادى. ول مەديا سالاسىندا ەتيكالىق نورمالاردى ساقتاۋدىڭ ماڭىزدىلىعىن اتاپ ءوتتى.
بۇل فەستيۆال جۋرناليستەرگە زاماناۋي تەحنولوگيالاردى يگەرۋگە جانە جۋرناليستيكانىڭ جاڭا ترەندتەرىنە دايىن بولۋعا ىقپال ەتتى. داتا جۋرناليستيكاسى مەن جاساندى ينتەللەكتتىڭ ءتيىمدى قولدانىلۋى اقپاراتتىق قوعامدا باسەكەگە قابىلەتتى بولۋعا كومەكتەسەدى.