ىشكى ىستەر ءمينيسترى ەرجان سادەنوۆ الماتى وبلىسى پوليسيا دەپارتامەنتىنىڭ باسشى قۇرامىمەن 2024 جىلدىڭ توعىز ايىنداعى جەدەل قىزمەتتىڭ قورىتىندىلارى بويىنشا كەڭەس وتكىزدى. كەڭەس بارىسىندا مينيستر پوليسيا دەپارتامەنتىنىڭ جاڭا باسشىسىن تانىستىردى، دەپ حابارلايدى aqshamnews.kz
ق ر پرەزيدەنتى اكىمشىلىگىنىڭ كەلىسىمىمەن جانە ىشكى ىستەر ءمينيسترىنىڭ بۇيرىعىمەن الماتى وبلىسى پوليسيا دەپارتامەنتىنىڭ باستىعى لاۋازىمىنا پوليسيا پولكوۆنيگى مەيرام ابىكەيەۆ تاعايىندالدى. بۇعان دەيىن ول سولتۇستىك قازاقستان وبلىسى پوليسيا دەپارتامەنتى باستىعىنىڭ ورىنباسارى قىزمەتىن اتقارعان. سونىمەن قاتار، پوليسيا دەپارتامەنتى باستىعىنىڭ ءبىرىنشى ورىنباسارى بولىپ باعدات ءاشىموۆ تاعايىندالدى.
ىشكى ىستەر ءمينيسترىنىڭ بۇيرىعىمەن كەلەسى لاۋازىمدى تۇلعالار قىزمەتىنەن بوساتىلدى:
- پد باستىعىنىڭ ءبىرىنشى ورىنباسارى سەرىك شالحاروۆ؛
- تالعار اۋداندىق پوليسيا باسقارماسىنىڭ باستىعى نۇرجان كۇنتۇنوۆ؛
- پد ەكسترەميزمگە قارسى ءىس-قيمىل باسقارماسىنىڭ باستىعى ۇلان بايتاقوۆ؛
- پد كريمينالدىق پوليسيا باسقارماسىنىڭ باستىعى رۋسلان سماعۇلوۆ؛
- پد ۇيىمداسقان قىلمىسقا قارسى كۇرەس باسقارماسىنىڭ باستىعى دۋلات قايىر جانە ونىڭ ورىنباسارى جانات وماروۆ.
كەڭەس قورىتىندىسى بويىنشا مينيستر وڭىردەگى قۇقىقتىق ءتارتىپ پەن قوعامدىق قاۋىپسىزدىكتى قامتاماسىز ەتۋگە بايلانىستى ناقتى تاپسىرمالار بەردى. سونداي-اق، ەرجان سادەنوۆ تالعار اۋدانىندا كامەلەتكە تولماعان بالانى ءولتىرۋ فاكتىسى بويىنشا تەرگەۋ جۇمىستارىن جەكە تىڭداپ، تەرگەۋ توبىنا ارنايى تاپسىرمالار جۇكتەدى.