ەلىمىزدە مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ ينستيتۋتى ەنگىزىلۋدە.
ق ر دەنساۋلىق ساقتاۋ ءمينيسترى اقمارال ءالنازاروۆا مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋعا قاتىستى زاڭنامانىڭ نەگىزگى ءمانىن ءتۇسىندىردى، دەپ حابارلايدى aqshamnews.kz
مينيستر بۇعان دەيىن زاڭنامادا مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ ءۇشىن ەشقانداي قۇرال كوزدەلمەگەنىنە توقتالدى.
«دەنساۋلىققا زيان كەلتىرگەن نەمەسە دەنساۋلىعىن ناشارلاتقان، ناۋقاستىڭ مۇگەدەكتىگىنە نەمەسە ولىمىنە اكەپ سوقتىرعان دالەلدەنگەن مەديسينالىق قاتەلىك جاعدايلارى بۇرىن قىلمىستىق تارتىپپەن قارالعان. مۇنداي جاعدايلاردا مەديسينا قىزمەتكەرى ماتەريالدىق جانە مورالدىق زالالدى ءوزى تولەدى. مەملەكەت باسشىسىنىڭ تاپسىرماسى بويىنشا، قازاقستاندا العاش رەت مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ ينستيتۋتى ەنگىزىلدى، ول وسى وقيعالاردى مەديسينالىق ۇيىمدار دەڭگەيىندە قاراۋعا مۇمكىندىك بەرەدى. ءۇش دەڭگەيلى جۇيە ەنگىزىلۋدە: مەديسينالىق ۇيىم، دەنساۋلىق ساقتاۋ باسقارماسى جانە مەديسينالىق جانە فارماسيەۆتيكالىق باقىلاۋ كوميتەتى دەڭگەيىندە. ەگەر دەنساۋلىققا كەلتىرىلگەن زيان انىقتالسا جانە پاسيەنت پەن ونىڭ تۋىستارى وتەمدى قابىلداۋعا دايىن بولسا، وندا زالال ساقتاندىرۋ پۋلى ەسەبىنەن وتەلەدى. مەديسينالىق قىزمەتكەردىڭ وزىنە قارجىلىق جۇكتەمە كوزدەلمەيدى، ونىڭ بارلىعى جىل سايىن بارلىق جۇمىس بەرۋشى مەديسينالىق قىزمەتكەرلەر ءۇشىن مىندەتتى تۇردە تولەيتىن ساقتاندىرۋ جارنالارى ارقىلى تولەنەدى»، – دەپ اتاپ ءوتتى اقمارال ءالنازاروۆا.