الماتى تەحنولوگيا جانە فلوريستيكا كوللەدجىندە «حالىقارالىق تاعىلىمداما قورىتىندىسى بويىنشا جوبالاردى ىسكە اسىرۋ» تاقىرىبىندا قالالىق سەمينار ءوتىپ، وندا حالىقارالىق تاعىلىمداما ناتيجەلەرى بويىنشا يتاليا، گوللانديا، گەرمانيا جانە جۇڭگو ەلدەرىنىڭ ءبىلىم بەرۋ قۇرىلىمىنىڭ ەرەكشەلىكتەرىن وقۋ ۇدەرىسىنە ەنگىزۋ بويىنشا وقىتۋشىلاردىڭ تاجىريبەسىن كورسەتۋ ماسەلەسى كەڭىنەن ءسوز بولدى.
سەمينار بارىسىندا ءتورت نەگىزگى باعىت بويىنشا حالىقارالىق تاعىلىمدامانىڭ قورىتىندىلارى مەن ناتيجەلەرى قامتىلعان جوبالار ۇسىنىلدى. سونداي-اق، «ەسەپتەۋ تەحنيكاسى جانە اقپاراتتىق جەلىلەر» باعىتى بويىنشا «گرافيكالىق ديزاين"، «كومپيۋتەرلىك گرافيكا» ءپانى بويىنشا پراكتيكالىق جۇمىستار مەن فاكۋلتاتيۆتىك ساباقتاردا قولداناتىن «كومپيۋتەرلىك گرافيكا بويىنشا زەرتحانالىق جۇمىستار» ادىستەمەلىك قۇرالى تۋرالى جوبا تالقىلاندى. 
قازىرگى سۇرانىسى ارتىپ تۇرعان «كورسەت وڭدەۋ جانە تىگۋ» تۋرالى «تىگىن ءوندىرىسى جانە كيىمدەردى ۇلگىلەۋ» باعىتىنداعى جوبا ۇسىنىلىپ، كورسەت وڭدەۋ بويىنشا ادىستەمەلىك ۇسىنىمدار كوللەدج ستۋدەنتتەرىنە كومەك رەتىندە ازىرلەندى. «اۆتوموبيل كولىگىنە تەحنيكالىق قىزمەت كورسەتۋ، جوندەۋ» باعىتى بويىنشا «زەرتحانالىق-تاجىريبەلىك ساباقتاردى ءوندىرىس ورىندارىندا وتكىزۋ» جوباسىن جۇزەگە اسىرۋ ءۇشىن «سۆس BOSCH SERVICE» ج ش س بازاسىندا زەرتحانالىق-تاجىريبەلىك ساباقتارىن وتكىزۋ ءۇشىن ىنتىماقتاستىق مەموراندۋمى قۇرىلدى. «باقشا ساياباق شارۋاشىلىعى» باعىتى بويىنشا «ەكولوگيالىق تابيعي ماتەريالداردى پايدالانۋ» تاقىرىبىندا جوبا ۇسىنىلدى. ەرەكشە ءبىلىم بەرۋ قاجەتتىلىكتەرى بار ستۋدەنتتەرگە ارنالعان فاكۋلتاتيۆتىك ساباقتار جوسپارىن ازىرلەدى.