ءجىتى مي قان اينالىمىنىڭ بۇزىلۋى (ينسۋلت) كەزىندە مەحانيكالىق ترومبوەكستراكسيا ءادىسىن قولدانۋ ناۋقاستىڭ تولىق قالپىنا كەلۋ مۇمكىندىگىن ارتتىرادى.
بۇل شاعىن ءينۆازيۆتى ءادىس ارقىلى ترومب الىنىپ، «تەراپيالىق تەرەزەنى» كەڭەيتۋگە بولادى. ءداستۇرلى ترومبوليتيكالىق تەراپيامەن سالىستىرعاندا، بۇل ءادىس قايتىمسىز اسقىنۋ ءقاۋپىن ازايتادى. مۇنداي وتالار الماتى №4 قالالىق كلينيكالىق اۋرۋحانانىڭ رەنتگەن-ەندوۆاسكۋليارلىق حيرۋرگيا بولىمشەسىندە ءساتتى جۇرگىزىلەدى، دەپ حابارلايدى aqshamnews.kz.
«ترومبوەكستراكسيا ينسۋلت العان ناۋقاسقا تولىققاندى ومىرگە ورالۋعا مۇمكىندىك بەرەدى. بۇل جەردە ۋاقىت باستى ءرول اتقارادى: شاعىن ءينۆازيۆتى حيرۋرگيالىق ارالاسۋ نەعۇرلىم ەرتە جاسالسا، تولىق قالپىنا كەلۋ ىقتيمالدىعى سوعۇرلىم جوعارى بولادى. ءبىزدىڭ تاجىريبەمىزدە جاقسى ناتيجە بار - ينسۋلت سالدارىنان سال بولىپ قالعان ناۋقاستار بىرنەشە كۇننەن كەيىن وزدىگىنەن ءجۇرىپ، سويلەي الدى»، - دەيدى №4 قكا نەيروحيرۋرگ دارىگەرى الدونگار ايساۋتوۆ.
39 جاستاعى ەر ادام №4 قالالىق كلينيكالىق اۋرۋحانانىڭ قابىلداۋ بولىمىنە سويلەۋ قابىلەتىنىڭ بۇزىلۋى، وڭ اياق-قولىنىڭ السىزدىگى جانە قوس كورىنۋ سياقتى ءينسۋلتتىڭ ءجىتى بەلگىلەرىمەن ءتۇستى. وسىلايشا بەلگىلەرى انىقتالعاننان باستاپ التى ساعات ىشىندە نەيروحيرۋرگ ماماندار مەحانيكالىق ترومبوەكستراكسيا جاساپ، ناۋقاستىڭ مي قىزمەتىن تولىق قالپىنا كەلتىرە الدى. ءبىر اپتادان كەيىن ول نيەۆرولوگيالىق اسقىنۋسىز اۋرۋحانادان ۇيگە شىعارىلدى.
«نيەۆرولوگ، نەيروحيرۋرگ جانە رەانيماتولوگ دارىگەرلەردىڭ ۇيلەسىمدى جۇمىسىنىڭ ارقاسىندا مەحانيكالىق ترومبوەكستراكسيا ءومىردى قۇتقارۋ ستاندارتىنىڭ بىرىنە اينالىپ كەلەدى. بۇل ءادىس كوپتەگەن ناۋقاستىڭ مۇگەدەكتىككە ۇشىراۋىنىڭ الدىن الىپ، قالىپتى ومىرگە ورالۋىنا كومەكتەسەدى»، – دەپ اتاپ ءوتتى №4 قكا ينسۋلت ورتالىعىنىڭ مەڭگەرۋشىسى دينارا مۋحانگالييەۆا.