ۇكىمەت وتىرىسىندا ەكولوگيا جانە تابيعي رەسۋرستار ءمينيسترى ەرلان نىسانبايەۆ ەل اۋماعىنىڭ 71%-ىندا قار جاتقانىن حابارلادى.
ول 11 ناۋرىزداعى جاعداي بويىنشا قار استىندا جاتقان اۋماق 71%-دى قۇرايتىنىن، دەگەنمەن بۇل وتكەن اپتاعا قاراعاندا 15%-عا از ەكەنىن اتاپ ءوتتى، دەپ حابارلايدى aqshamnews.kz.
ەلىمىزدىڭ وڭتۇستىگىندە: قىزىلوردا، تۇركىستان جانە جامبىل وبلىستارىندا، باتىسىندا: باتىس قازاقستان، اتىراۋ جانە ماڭعىستاۋ وبلىستارىندا قار ەرىپ جاتىر.
«ناۋرىز ايىندا تەمپەراتۋرا كوتەرىلىپ، جاۋىن-شاشىن كوپ بولسا ەرىگەن قار سۋىنان تاۋ وزەندەرىندە تاسقىن ءجۇرۋى مۇمكىن. ورتالىق، سولتۇستىك جانە شىعىس ايماقتاردا قار قالىڭ، ناۋرىز ايىندا جاۋىن-شاشىن مولشەرى ايلىق نورمادان ەكى جانە ودان دا كوپ تۇسەدى دەپ كۇتىلىپ وتىر. مىسالى، استانادا ءبىرىنشى ونكۇندىكتىڭ وزىندە ايلىق جاۋىن-شاشىن مولشەرى ءتۇستى»،
— دەپ اتاپ ءوتتى ەرلان نىسانبايەۆ.