دارحان ساتىبالدى سۋبۇرقاقتاردى قايتا جاڭعىرتۋ جانە جاڭا قوعامدىق كەڭىستىكتەردى كورىكتەندىرۋ بارىسىمەن تانىستى
الماتى اكىمى دارحان ساتىبالدى قالاداعى اباتتاندىرۋ جانە ينجەنەرلىك ينفراقۇرىلىم نىساندارىن ارالادى. ساپار بارىسىندا رەسپۋبليكا الاڭىنداعى سۋبۇرقاقتاردى جاڭارتۋ، نازاربايەۆ داڭعىلىنىڭ باتىسىندا ورنالاسقان جاڭا سكۆەردىڭ قۇرىلىسى جانە لۋگانسكيي كوشەسىندەگى جەراستى گاز قۇبىرىنىڭ قايتا جاڭعىرتۋى قارالدى.
سۋبۇرقاقتاردى جاڭارتۋ كەزىندە ولاردىڭ تاريحي كەلبەتى ساقتالىپ، ساۋلەتشى ق. مونتاحايەۆتىڭ 1979 جىلى جاساعان ساۋلەتتىك مۇراسى قايتا قالپىنا كەلتىرىلۋدە. جوبا اياسىندا ەۋروپالىق وندىرىستەگى زاماناۋي سورعى جانە جارىق جابدىقتارى، اۆتوماتتاندىرىلعان باسقارۋ جۇيەسى جانە سۇيىق حلور قولدانباي سۋدى تازارتۋ جۇيەسى ورناتىلادى.
دارحان ساتىبالدى قايتا جاڭعىرتۋ جۇمىستارىنىڭ بەلگىلەنگەن مەرزىمدە ءارى ساپالى، ءقاۋىپسىز ورىندالۋعا ءتيىس ەكەنىن اتاپ ءوتتى.
اكىم بارعان نىسانداردىڭ ءبىرى نازاربايەۆ داڭعىلىنىڭ باتىسىندا، گاندي كوشەسىنىڭ سولتۇستىگىندە سالىنىپ جاتقان جاڭا سكۆەر. سكۆەردىڭ جالپى اۋماعى 4،16 گەكتار، ونىڭ ىشىندە 28 658 شارشى مەتر كوگالداندىرۋ ايماعى. مۇندا 245 جارىق شامى، 77 ورىندىق جانە 52 قوقىس جاشىگى ورناتۋ كوزدەلگەن.
ساپار سوڭىندا دارحان ساتىبالدى ورتا قىسىمدى جەراستى گاز قۇبىرىن قايتا جاڭعىرتۋ بارىسىمەن تانىستى. جۇمىستى «تاپس» ج ش س كومپانياسى «QazaqGaz Aimaq» اق بىرلەسىپ قولعا العان.
جالپى ۇزىندىعى 4 شاقىرىم بولاتىن قۇبىردىڭ 1951 مەترى توسەلدى. ديامەترى 530 مم جاڭا گاز قۇبىرى ەسكى 426 مم جەلىنى الماستىرادى. بۇل قالانىڭ وڭتۇستىك-شىعىس بولىگىندەگى 9 مىڭعا جۋىق ابونەنتتى گازبەن قامتۋدىڭ سەنىمدىلىگىن ارتتىرادى.
اكىم قۇرىلىس قارقىنىن جەدەلدەتىپ، جۇمىستى قازان ايىنىڭ سوڭىنا دەيىن اياقتاۋدى تاپسىردى.
ايتا كەتەيىك، بۇل جۇمىستار الماتى قالاسىنىڭ ينجەنەرلىك جانە قوعامدىق ينفراقۇرىلىمدى جاڭعىرتۋ جونىندەگى كەشەندى باعدارلاماسى اياسىندا جۇرگىزىلىپ جاتىر. بارلىق جوبا قالا پەن اۋدان اكىمدىكتەرىنىڭ تۇراقتى باقىلاۋىندا.