الماتى اكىمى دارحان ساتىبالدى قالا تۇرعىندارى مەن قوناقتارىن اتا زاڭ كۇنىمەن قۇتتىقتادى، دەپ حابارلايدى aqshamnews.kz.
"سىزدەردى قازاقستان رەسپۋبليكاسىنىڭ كونستيتۋسياسى كۇنىمەن شىن جۇرەكتەن قۇتتىقتايمىن!
بۇل مەرەيلى مەرەكە – مەملەكەتىمىزدىڭ تاۋەلسىزدىگى، ەركىندىگى مەن تاڭداۋ قۇقىعى سىندى باستى قۇندىلىقتاردى ايشىقتايدى.
كونستيتۋسيا ءاربىر ازاماتتىڭ ءسوز بوستاندىعى مەن وي ەركىندىگىنىڭ كەپىلى بولا وتىرىپ، ەلىمىزدىڭ بولاشاعىن بىرگە قۇرۋ ءۇشىن سايلاۋعا قاتىسۋ قۇقىعىن بەرەدى.
الماتى – تاۋەلسىزدىگىمىزدىڭ التىن بەسىگى، قازاقستاننىڭ ىرگەتاسى العاش قالانعان قالا. ول ءوزىنىڭ زەڭگىر كوك اسپانىندا ەركىندىكتىڭ كوك تۋىن تۇڭعىش جەلبىرەتكەن شاھار.
بارشاڭىزعا اماندىق، باق-بەرەكە تىلەيمىن. ەلىمىزدە بىرلىك پەن ىنتىماق ارتىپ، قازاقستانىمىزدىڭ ەڭسەسى بيىك، ىرگەسى بەرىك بولسىن!
مەرەكە قۇتتى بولسىن!"، - دەدى قالا باسشىسى قۇتتىقتاۋىندا.
ەسكە سالا كەتەيىك، بۇعان دەيىن مەملەكەت باسشىسىنىڭ قازاقستاندىقتاردى كونستيتۋسيا كۇنىمەن قۇتتىقتاعانىن حابارلاعان ەدىك.
