الماتى قالاسىنىڭ اكىمى دارحان ساتىبالدى جۇمىس ساپارى كەزىندە مەگاپوليستىڭ مادەني ينفراقۇرىلىمىن دامىتۋعا بايلانىستى نەگىزگى جوبالاردىڭ ورىندالۋ بارىسىن تەكسەرىپ شىقتى، - دەپ حابارلايدى Aqshamnews.kz.
قالا باسشىسى حالىق مۋزىكالىق شىعارماشىلىعىن، قازاق رۋحاني مادەنيەتى مەن فولكلورىن ساقتاۋعا جانە دامىتۋعا ارنالعان ەلىمىزدەگى جالعىز مادەني نىسان – «الاتاۋ» ءداستۇرلى ونەر تەاترىندا بولدى. قايتا جوندەۋ اياسىندا مۇندا قاسبەتتى جاڭارتۋ، توزعان ورىندىقتاردى اۋىستىرۋ، ورتكە قارسى جابىندى توسەۋ، سونداي-اق ارتىستەردىڭ ءوتىنىشى بويىنشا ساحنانى جاڭعىرتۋ جوسپارلانۋدا.
دارحان ساتىبالدى Alatau سreative Hub كىتاپحاناسىنا ەرەكشە نازار اۋداردى. مادەني ورىن تۇرعىنداردىڭ كىتاپ وقيتىن ورتالىعى جانە الاتاۋ اۋدانىنىڭ مادەني الاڭى مەن كوۆوركينگ ورتالىعىنىڭ قىزمەتتەرىن بىرىكتىرەدى.
بۇگىندە Alatau Creative Hub-تا 25 تەگىن شىعارماشىلىق ۇيىرمە، مۋلتيمەديالىق ارت-ستۋديا جانە IT-زەرتحانا جۇمىس ىستەيدى. جىل سايىن كىتاپحاناعا 430 مىڭنان استام ادام كەلەدى. بيىلعى جىلدىڭ قىركۇيەك ايىنان باستاپ كىتاپحانا تاۋلىك بويى جۇمىس كەستەسىنە كوشتى. ەرەكشە قاجەتتىلىكتەرى بار كەلۋشىلەر ءۇشىن جۇمىس ورىندارى اۋديو سيگنالعا جانە برايل ديسپلەيىنە ارنالعان باعدارلامالىق-اپپاراتتىق قۇرالدارمەن جابدىقتالعان، راديوجيىلىكتى سايكەستەندىرۋدىڭ RFID-جۇيەسى ەنگىزىلگەن.
جۇمىس ساپارىن قورىتىندىلاعان دارحان ساتىبالدى الماتىنىڭ مادەني ورىندارى قالا تۇرعىندارىنىڭ كۇندەلىكتى ءومىرىنىڭ اجىراماس بولىگى رەتىندە دامۋعا ءتيىس ەكەنىن اتاپ ءوتتى.
«ءبىزدىڭ مىندەتىمىز – تاريحي ەسكەرتكىشتەردى ساقتاپ قانا قويماي، تۇرعىندار مەن جاستار ءۇشىن جاڭا مادەني مۇمكىندىكتەر اشاتىن زاماناۋي ساۋلەت ورتاسىن قۇرۋ»، - دەپ اتاپ ءوتتى اكىم.