وڭتۇستىك كورەيا سوتى قىزمەتىنەن شەتتەتىلگەن پرەزيدەنت يۋن سوك ءولدى قاماۋعا الۋ تۋرالى وردەر شىعاردى، دەپ حابارلايدى aqshamnews.kz
بۇل تۋرالى CNN حابارلادى. وڭتۇستىك كورەيانىڭ سىبايلاس جەمقورلىققا قارسى اگەنتتىگىنىڭ مالىمەتىنشە، سەۋلدىڭ باتىس وكرۋگتىك سوتى يۋن سوك ولگە بيلىكتى تەرىس پايدالانعانى جانە بۇلىك ۇيىمداستىرعانى ءۇشىن قاماۋعا الۋ تۋرالى وردەر بەرگەن. بۇل ايىپتار جەلتوقساننىڭ باسىندا ونىڭ ەلدە اسكەري جاعداي ەنگىزگەننەن كەيىن تاعىلعان. باسىلىمنىڭ اتاپ وتۋىنشە، بۇل وڭتۇستىك كورەيا تاريحىندا قاماۋعا الۋ وردەرى قازىرگى قىزمەتتەگى پرەزيدەنتكە بەرىلگەن العاشقى جاعداي.
"قاماۋعا الۋ وردەرى بۇرىنعى پروكۋرور يۋن سوك ءول تەرگەۋشىلەردىڭ ىنتىماقتاستىق تۋرالى ءۇش شاقىرتۋىنا جاۋاپ بەرۋدەن باس تارتقاننان كەيىن بەرىلدى"، - دەلىنگەن ماتەريالدا.
وردەر ادەتتە ءبىر اپتاعا جارامدى، ءبىراق ونىڭ مەرزىمى ۇزارتىلۋى مۇمكىن ەكەنى دە ايتىلعان.