قازاقستاندا مەديسينا قىزمەتكەرلەرىنە جاسالعان شابۋىلدى پوليسيا قىزمەتكەرلەرىنە جاسالعان شابۋىلمەن تەڭەستىرىپ، سونداي جازا قولدانۋ قاجەت. بۇل تۋرالى ۆيسە-پرەمەر ەرمەك كوشەربايەۆ مالىمدەدى، - دەپ حابارلايدى اqshamnews.kz ءتىلشىسى.
مەديسينا قىزمەتكەرلەرىنە شابۋىل جاساعاندار قاتاڭ جازالانادى
ۇكىمەتتەگى بريفينگ بارىسىندا كوشەربايەۆ مەديسينا قىزمەتكەرلەرىنە شابۋىل جاساۋ ماسەلەسى قازاقستاندىق قوعامدى ءدۇر سىلكىندىرگەنىمەن، بۇل جاعداي بۇرىننان بار ەكەنىن ەسكە سالدى. ونىڭ ايتۋىنشا، ون جىل بۇرىن جەدەل جاردەم كولىكتەرىنىڭ جولىن بوگەيتىندەر كوبەيە باستاعان. كەيىن بۇل ارەكەتتەر قول جۇمساۋعا دەيىن جەتكەن. شەنەۋنىك پىكىرىنشە، مۇنداي ارەكەتكە كوبىنە وزىنىكى دۇرىس دەپ سانايتىن ادامدار بارادى.
"ءقازىر دارىگەرلەر مەن مەدبيكەلەرگە كاسىبي مىندەتىن اتقارۋ كەزىندە كۇش قولدانۋ وقيعالارى كەزدەسىپ وتىر. مەملەكەت باسشىسىنىڭ تاپسىرماسىنا سايكەس، ءبىز دەپۋتاتتىق كورپۋسپەن بىرلەسە وتىرىپ، مۇنداي ارەكەتتەر ءۇشىن قىلمىستىق جاۋاپكەرشىلىكتى كۇشەيتەتىن زاڭنامالىق وزگەرىستەر پاكەتىن ازىرلەدىك. ياعني مەديسينا قىزمەتكەرىنە شابۋىل جاساۋ – قىزمەتتىك مىندەتىن اتقارىپ جاتقان قۇقىق قورعاۋ ورگانىنىڭ قىزمەتكەرىنە شابۋىل جاساۋمەن تەڭەستىرىلۋگە ءتيىس. بۇل ادىلەتتى شەشىم دەپ ويلايمىن"، – دەدى ەرمەك كوشەربايەۆ.
ايتا كەتەيىك، بۇعان دەيىن قاراعاندىدا ءبىر پاسيەنت جەكە كلينيكا دارىگەرىنە شابۋىل جاساعان ەدى. وقيعا مەديسينالىق مەكەمە عيماراتىندا ورىن الىپ، بەينەجازبا الەۋمەتتىك جەلىلەردە تەز تاراپ كەتكەن.