الماتىنىڭ ناۋرىزباي اۋدانىندا ەسىرتكى ساتۋشىنى ۇستاۋ بويىنشا ارنايى ءىس-شارا جۇرگىزىلدى، دەپ حابارلايدى Almaty-akshamy. kz Polisia. kz-كە سىلتەمە جاساپ.
پوليسەيلەر قالاعا كىرە بەرىستە جامبىل وبلىسىنان تاكسيمەن كەلە جاتقان 45 جاستاعى د.ەسىمدى ازاماتتى ۇستادى.
– د.ەسىمدى ازاماتتى جەكە ءتىنتۋ بارىسىندا ونىڭ جول سومكەسىنەن قۇرامىندا ەرەكشە ءيىسى بار، قارا-جاسىل ءتۇستى وسىمدىك تەكتەس زات سالىنعان بۋما تابىلدى جانە تاركىلەندى. ساراپتاما قورىتىندىسىنا سايكەس، تاركىلەنگەن زات جالپى سالماعى ەكى كەلىگە جۋىق بولاتىن ماريحۋانا ەسىرتكى زاتى ەكەنى راستالدى. ودان ءارى كۇدىكتىنىڭ تۇرعىلىقتى جەرىندە رۇقسات ەتىلگەن ءتىنتۋ بارىسىندا تاعى 970 گرامم ماريحۋانا تابىلدى. ول ءبولىنىپ، ساتۋعا دايىن تۇردى. ايتپاقشى، ءبىزدىڭ جەدەل دەرەكتەرگە سايكەس، ۇستالعان ازامات قالادا ەسىرتكى ساتۋمەن اينالىسقان. ق ر قىجك-نىڭ 128-بابىنا سايكەس ول ۋاقىتشا ۇستاۋ يزولياتورىنا قامالدى، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
قىلمىستىق ءىس ق ر قك-نىڭ 297-بابى 4-بولىگى بويىنشا تەرگەلىپ جاتىر. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.