فۋتبولدان 2024 جىلعى ەۋروپا چەمپيوناتىندا بۇگىن، 10 شىلدەدە 1/2 فينالداعى ەكىنشى ويىندا انگليا مەن نيدەرلاند قۇرامالارى كەزدەسەدى، دەپ حابارلايدى اlmaty-akshamy.kz.
كەزدەسۋ ساعات 00.00-دە باستالىپ، «Qazaqstan» تەلەارناسىنان تىكەلەي ەفيردە كورسەتىلەدى. كەزدەسۋ دورتمۋند قالاسىنداعى «سيگنال يدۋنا پارك» ستاديونىندا وتەدى.
س توبىندا سىنعا تۇسكەن انگليا سەربيانى 1:0 ەسەبىمەن جەڭسە، دانيامەن 1:1، سلوۆەنيامەن 0:0 ەسەبىمەن تەڭ وينادى. انگليالىق فۋتبولشىلار 1/8 فينالدا سلوۆاكيانى قوسىمشا كەزەڭدە 2:1 ەسەبىمەن ءسۇرىندىردى. 1/4 فينالدا شۆەيساريامەن نەگىزگى كەزەڭدە 1:1 ەسەبىمەن تەڭ ءتۇسىپ، پەنالتيلەر سەرياسىندا 5:3 ەسەبىمەن جەڭىپ كەتتى.
نيدەرلاند D توبىندا پولشانى 2:1 ەسەبىمەن جەڭىپ، اۋسترياعا 2:3 ەسەبىمەن ەسە جىبەرسە، فرانسيامەن 0:0 ەسەبىنە قاناعات ءبىلدىردى. 1/8 فينالدا ولار 3:0 ەسەبىمەن رۋمىنيانىڭ وسال تۇسىن تاپسا، شيرەك فينالدا تۇركيانى 2:1 ەسەبىمەن تىزە بۇكتىردى.
ەكى قۇراما بۇعان دەيىن 22 مارتە كەزدەسىپ، 6-دا انگليا، 7-دە نيدەرلاند باسىم تۇسسە، قالعانىندا تەڭ ناتيجە تىركەلدى.
ەسكە سالساق، بۇدان بۇرىن يسپانيا 12 جىلدان كەيىن ەۋروپا چەمپيوناتىنىڭ فينالىنا شىقتى.