«الماتى» اكك» اق ەنشىلەس ۇيىمى – «الماتى فينانس» ج ش س الماتى قالاسىندا كۇن پانەلدەرىن شىعاراتىن زاۋىت سالۋعا 500 ملن. تەڭگە ءبولدى، دەپ حابارلايدى اlmaty-akshamy.kz.
«Almaty Business Development Company» الماتى قالاسىنىڭ بيزنەستى دامىتۋ كومپانياسى» ج ش س سۇيەمەلدەۋىمەن ينۆەستيسيالىق جوبا «يننوۆاسيالىق تەحنولوگيالار پاركى» ارنايى ەكونوميكالىق ايماعىنىڭ اۋماعىندا ىسكە اسىرىلاتىن بولادى.
اۋدانى شامامەن 2،5 مىڭ شارشى مەتر بولاتىن كاسىپورىن جىل سايىن 250 000 كۇن ءمودۋلىن شىعارادى. ءبىر ءمودۋلدىڭ قۋاتى 550-600 ۆاتت بولادى. كاسىپورىننىڭ ىسكە قوسىلۋى اعىمداعى جىلدىڭ جەلتوقسان ايىنا جوسپارلانعان.
زاۋىتقا كرەديت بەرۋدى «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى شەڭبەرىندە «Altyn Group» ج ش س جۇزەگە اسىرادى. كرەديتتىك ليميت بويىنشا سىياقى ستاۆكاسى 6%، قارجىلاندىرۋ مەرزىمى - 7 جىلدى قۇرايدى. «الماتى فينانس» قارىز قاراجاتىن ەسكەرە وتىرىپ، ينۆەستيسيالاردىڭ جالپى سوماسى 2،1 ملرد. تەڭگەدەن اسادى.
جوبانىڭ ماقساتى – جاڭارتىلاتىن ەنەرگەتيكانى دامىتۋ جانە ەلدەگى كۇن پانەلدەرىنە ءوسىپ كەلە جاتقان سۇرانىستى قاناعاتتاندىرۋ.
«جوبانى ىسكە اسىرۋ بارىسىندا قازاقستاندىق جۇمىسشى جانە ينجەنەرلىك-تەحنيكالىق قۇرام شەتەلدىك مامانداردان تەحنولوگيالىق پروسەس تۋرالى بىلىمدەرىن ارتتىرادى، بۇل جەرگىلىكتى كادرلاردىڭ بىلىكتىلىگىن ارتتىرۋعا جانە جاڭا وندىرىستە جۇمىستارىن جالعاستىرۋعا قاجەت ءبىلىم مەن داعدىلاردى مەڭگەرۋگە مۇمكىندىك بەرەدى. كاسىپورىندا بارلىعى 87 جۇمىس ورنى اشىلادى»، - دەدى «Almaty Finance» ج ش س باسقارما ءتوراعاسىنىڭ ورىنباسارى جۇلدىز يگەنوۆ.
انىقتاما ءۇشىن:
«الماتى» الەۋمەتتىك-كاسىپكەرلىك كورپوراسياسى» اق – دامۋ ينستيتۋتى، مەملەكەت رەسۋرستارى مەن بيزنەس اراسىنداعى كوپىر. «الماتى» اكك قىزمەتى تۇراقتى جەكە كاسىپكەرلىكتى دامىتۋ جاعدايىندا قالانىڭ الەۋمەتتىك، ءبىلىم بەرۋ، مادەني ماسەلەلەرىن شەشۋگە باعىتتالعان.
«Almaty Finance» ج ش س — كرەديتتىك ۇيىم، «الماتى» الەۋمەتتىك-كاسىپكەرلىك كورپوراسياسى» اق ەنشىلەس كومپانياسى بولىپ تابىلادى. «Almaty Finance» ج ش س الماتىداعى شوب سۋبەكتىلەرىنە جىلدىق 2% نەمەسە 6% ستاۆكا بويىنشا جەڭىلدىكتى قارجىلاندىرۋدى ۇسىنادى. كرەديت بەرۋدىڭ ماقساتى – جاڭا وندىرىستەر قۇرۋ جانە اينالىم قاراجاتىن تولىقتىرۋ. قارىزدىڭ ەڭ جوعارى سوماسى – 500 ملن تەڭگە. مەرزىمى – 7 جىلعا دەيىن. «Almaty Finance» كرەديت بەرۋ باعدارلاماسى «Almaty BUSINESS-2025» اياسىندا جۇزەگە اسىرىلۋدا.
«Almaty Business Development Company» الماتى قالاسىنىڭ بيزنەستى دامىتۋ كومپانياسى» ج ش س - قىزمەتى جەكە كاسىپكەرلىكتى دامىتۋعا جانە قالانىڭ الەۋمەتتىك ماڭىزدى مىندەتتەرىن شەشۋگە باعىتتالعان ۇيىم. وتاندىق جانە شەتەلدىك كاسىپكەرلەر مەن ينۆەستورلار ءۇشىن «ءبىرىڭعاي تەرەزە» قاعيداتىن ينۆەستيسيا تارتۋدان باستاپ دايىن جوبانى سۇيەمەلدەۋگە دەيىن ىسكە اسىراتىن وپەراتور.