بقو توتەنشە جاعدايلار دەپارتامەنتىنىڭ رەسمي وكىلى نۇرجان تولەۋىش ايماقتاعى احۋالدى باياندادى.
ماماننىڭ ايتۋىنشا، وڭىردە سۋ تاسقىنى بويىنشا جاعداي كۇردەلى، دەپ حابارلايدى Almaty-akshamy.kz.
مامان «قازگيدرومەتتىڭ» مالىمەتىنە سۇيەنىپ، قازىرگى سۋ دەڭگەيى 8 مەتر 62 سانتيمەترگە جەتكەنىن مالىمدەدى. جايىقتاعى شەكتى ءقاۋىپ دەڭگەيى – 8 مەتر 50 سانتيمەتر. ءقازىر سۋ مولشەرى ءقاۋىپتى دەڭگەيدەن 12 سانتيمەترگە اسىپ كەتكەن.
نۇرجان تولەۋىش ايماقتاعى كۇردەلى كەزەڭ الداعى 25-26 ءساۋىر كۇندەرى ۋشىعۋى مۇمكىن ەكەنىن ايتتى.
«ءبىزدىڭ وبلىس بويىنشا ءقاۋىپتىڭ بەتى ءالى سەيىلمەدى. سۋ دەڭگەيى تاعى كوتەرىلەدى دەگەن بولجام بار. ورال قالاسىنىڭ تۇسىندا جايىق دەڭگەيى 25-26 ساۋىردە 9،5 مەترگە دەيىن جەتۋى مۇمكىن»، دەدى وبلىستىق توتەنشە جاعدايلار دەپارتامەنتىنىڭ رەسمي وكىلى.