فاستفۋدتى جارنامالاۋعا بولمايدى

وزبەكستاندا ءساۋىر ايىنان باستاپ گازدالعان جانە ەنەرگەتيكالىق سۋسىنداردىڭ ءار ليترىنە 500 بەن 2000 سوم ارالىعىندا اكسيز سالىعى ەنگىزىلدى.

سونداي اق بالالارعا ارنالعان فاستفۋد پەن كۇش بەرەتىن سۋسىندى جارنامالاۋعا شەكتەۋ قويىلماق. ەل ۇكىمەتى مەكتەپ پەن بالاباقشا اسحانالارىندا تۇتىنۋعا بولمايتىن تاعامداردىڭ ءتىزىمىن ازىرلەگەن، دەپ حابارلايدى Almaty-akshamy.kz.

«ماقسات تۇرعىندار اراسىندا سەمىزدىك دەرتىن ازايتۋ. «2030 جىلعا دەيىن ارتىق سالماقتان زارداپ شەگەتىندەردىڭ ۇلەسىن - 50، ال بالالار مەن جاستار اراسىنداعى كورسەتكىشتى 30%-عا قىسقارتۋ مىندەتى قويىلىپ وتىر. وزبەكستاننىڭ دەنساۋلىق ساقتاۋ مينيسترلىگى ازىرلەگەن قۇجاتقا ساي، ءبىلىم ۇيالارىندا دۇرىس تاماقتانۋدى ناسيحاتتاۋ ماڭىزدى. قولدانۋعا ۇسىنىلمايتىن ونىمدەردىڭ تىزىمىنە قانت، تۇز، مايلى تاعامدار، حوش يىستەندىرگىشتەر مەن بوياعىشتار كىرەدى»، - دەيدى وسى ماتەريالدى ازىرلەگەن ءتىلشى بازاركۇل وتىنشييەۆا.

شەكتەۋ مۇنىمەن بىتپەيدى. قۇرامىندا حيميالىق قوسپاسى بار ءتۇرلى قىتىرلاق پەن جىلدام دايىندالاتىن تاعامدار، ەنەرگەتيكالىق سۋسىندار مەن ديەتالىق قوسپالاردى جارنامالاۋ قاتاڭ قاداعالانادى.

جەتكىنشەكتەردىڭ دۇرىس تاماقتانۋى، دەنە شىنىقتىرۋى مەن تازا اۋادا سەرۋەندەۋىنە ءمان بەرۋ نورمالارى بويىنشا ۇسىنىستار ازىرلەنبەك. بۇل باعىتتاعى جۇمىس جىل بويى جۇرگىزىلەدى.