جارمەڭكەگە قازاقستاننىڭ ءىرى 30-دان استام جۇمىس بەرۋشى كومپانيالارى قاتىسادى.
20 ءساۋىر كۇنى «Professional course» وزەكتى كاسىپتەر بويىنشا قىسقا مەرزىمدى كۋرستار: «Soft skils» بويىنشا كۋرسى» جوباسىنىڭ اياسىندا بوس جۇمىس ورىندارىنىڭ جارمەڭكەسى وتەدى، دەپ حابارلايدى Almaty-akshamy.kz
ماماندىقتار جارمەڭكەسى – بۇل جاستار ءۇشىن وزدەرى قالاعان سالاداعى بوس جۇمىس ورىندارى نارىعىن زەرتتەۋگە جانە ءبىر جەردە بىرنەشە جۇمىس بەرۋشىلەرمەن تىكەلەي كەزدەسىپ، تىلدەسۋلەرىنە تاماشا مۇمكىندىك. جارمەڭكەنىڭ نەگىزگى ماقساتى – جاستار مەن تۇلەكتەر ءۇشىن جۇمىس ورىندارىنىڭ قولجەتىمدىلىگىن كەڭەيتۋ، لايىقتى ۇمىتكەرلەردى تارتۋ ارقىلى جۇمىس بەرۋشىلەر ءۇشىن جالداۋ پروسەسىن جەڭىلدەتۋ جانە ولاردىڭ جۇمىسقا ورنالاسۋىنا جاردەمدەسۋ.
اتالعان ءىس-شارا الماتى قالاسى جاستار ساياساتى باسقارماسىنىڭ قولداۋىمەن، «UAQYT» قوعامدىق قورىنىڭ جانە ەۋرازيا تەحنولوگيالىق ۋنيۆەرسيتەتىنىڭ ۇيىمداستىرۋىمەن 20 ءساۋىر كۇنى ساع:14:00-16:00 ارالىعىندا تولە بي كوشەسى، 109ب مەكەنجايىندا ورنالاسقان ەۋرازيا تەحنولوگيالىق ۋنيۆەرسيتەتىندە وتەدى.