ءساۋىردىڭ 18-نەن 19-نا قاراعان ءتۇنى فۋتبولدان UEFA چەمپيوندار ليگاسى شيرەك فينالىندا قارىمتا ويىندار وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەكى ويىننىڭ بىرىندە «ناپولي» (يتاليا) مەن «ميلان» (يتاليا) كەزدەسەدى.
كەزدەسۋ ەلوردا ۋاقىتىمەن 00.50-دە باستالىپ، «Qazaqstan» تەلەارناسىنان تىكەلەي ەفيردە كورسەتىلەدى.
ەكى كوماندا بۇعان دەيىن 152 مارتە كەزدەستى. ونىڭ 42-سىندە «ناپولي»، 57-سىندە «ميلان» جەڭىسكە جەتسە، قالعانى تەڭ اياقتالدى.
شيرەك فينالدىڭ العاشقى كەزدەسۋىندە «ميلان» 1:0 ەسەبىمەن باسىم ءتۇستى.
تاعى ءبىر كەزدەسۋدە «چەلسي» (انگليا) پەن «رەال مادريد» (يسپانيا) كوماندالارى شەبەرلىك بايقاسادى.
كەزدەسۋ ەلوردا ۋاقىتىمەن 00.50-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ەكى كوماندا بۇعان دەيىن 9 مارتە كەزدەستى. ونىڭ ۇشەۋىندە «رەال مادريد»، تورتەۋىندە «چەلسي» جەڭىسكە جەتسە، قالعانى تەڭ ناتيجەمەن اياقتالدى.
شيرەك فينالدىڭ العاشقى كەزدەسۋىندە يسپانيالىق كلۋب 2:0 ەسەبىمەن جەڭدى.
فينال 10 ماۋسىمدا تۇركيانىڭ ىستانبۇل قالاسىنداعى اتاتۇرىك اتىنداعى وليمپيادالىق ستاديوندا بولادى.