بولات نازاربايەۆ «بارىس» اۆتوكولىك بازارىنان ايرىلىپ قالۋى مۇمكىن، دەپ حابارلايدى اlmaty-akshamy.kz «پياتىي رەگيون» باسىلىمىنا سىلتەمە جاساپ.
قاراساي اۋدانىنىڭ سوتىندا پروكۋراتۋرا، جەرگىلىكتى اكىمدىك جانە بولات نازاربايەۆ اراسىندا تالقىلاۋ ءجۇرىپ جاتىر.
قاراساي اۋدانىنىڭ پروكۋراتۋراسى جالپى اۋدانى 35 گەكتاردان اساتىن جەر ۋچاسكەلەرىن ساتىپ الۋ-ساتۋ شارتتارىن جارامسىز دەپ تانۋدى تالاپ ەتەدى. سەبەبى بۇل ۋچاسكەلەر «سۋارمالى ەگىستىك» اۋىل شارۋاشىلىعى ماقساتىنداعى جەرلەرگە جاتقىزىلدى، ال جەر كودەكسىنە سايكەس، اۋىل شارۋاشىلىعى القاپتارى ەرەكشە قورعالۋعا جاتادى. نىسانالى ماقساتىن وزگەرتۋگە ەشقانداي نەگىز جوق، جول بەرىلمەيدى.
جەردى بەرۋ فاكتىسىندە ورەسكەل بۇزۋشىلىقتار ورىن الدى. سوندىقتان پروكۋرورلار ساتىپ الۋ-ساتۋ شارتتارىن جارامسىز دەپ تانۋدى جانە ولاردى مەملەكەت مەنشىگىنە قايتارۋدى تالاپ ەتتى.
2004 جىلدان 2019 جىلعا دەيىن جەر ۋچاسكەلەرىن ساتىپ الۋ-ساتۋ بويىنشا جەتى شارت جاسالعان.