TikTok-تا ناۋرىز تۋرالى بەينەروليكتەر 120 ميلليوننان اسا قارالىم جينادى. ونلاين-فەستيۆال قازاقستان رەسپۋبليكاسى مادەنيەت جانە سپورت مينيسترلىگىنىڭ، «Kazakh Tourism» ۇك اق جانە تانىمال كونتەنت اۆتورلارىنىڭ قولداۋىمەن ءوتتى.
«ءبىز قازاقستانداعى ءىرى قاۋىمداستىقپەن بىرگە ناۋرىز مەرەكەسىن اتاپ ءوتىپ، جارقىن جانە اسەم ونلاين-فەستيۆال الاڭىنا اينالعانىمىزعا وتە قۋانىشتىمىز. TikTok-تى مەرەكەنىڭ بارلىق تۇسىمەن، ونىڭ اۋەندەرىمەن، ءدامى ءتىل ۇيىرەتىن تاعامدارىمەن، بيلەرىمەن جانە كەرەمەت كوڭىل-كۇيىمەن تولتىرعانى ءۇشىن قولدانۋشىلارىمىزعا راقمەت! سىزدەردىڭ ارقالارىڭىزدا بۇكىل الەم بويىنشا قازاقستاننىڭ مادەنيەتى قانشالىقتى ادەمى جانە بىرەگەي ەكەنى تۋرالى بارىنشا كوپ ادام بىلە الادى»، – دەپ پىكىر ءبىلدىردى TikTok-تىڭ شىعىس ەۋروپا مەن ورتالىق ازياداعى وپەراسيالىق ءبولىمىنىڭ باسشىسى ەكاتەرينا بلينەس.
ءىس-شارا اياسىندا ۇزدىك بەينەروليكتەردىڭ جەڭىمپازدارى انىقتالدى. جەڭىمپازدار قازاقستاننىڭ ەڭ سۇلۋ مەكەندەرىنە ساياحاتتادى.
قولدانۋشىلار ناۋرىزكوجە، ءدامى ءتىل ۇيىرەتىن اسىلعان ەت پەن قۋىرداق، باۋىرساق جانە باسقا دا ەرەكشە مەرەكەلىك تاعامداردىڭ رەسەپتىن بەلسەندى ءبولىستى. قازاقستاندىقتار ەلىمىزدىڭ تۇكپىر-تۇكپىرىندەگى مەرەكەلەردەن رەپورتاج جۇرگىزدى، حالىقتىق مەرەكەلەردى كورسەتىپ، وزدەرى دە قاتىستى. كونتەنت اۆتورلارى مەرەكەنىڭ تاريحى، ونىڭ داستۇرلەرى تۋرالى اڭگىمەلەپ، ءداستۇرلى كيىمدەر مەن زەرگەرلىك بۇيىمداردىڭ سۇلۋلىعىن كورسەتتى جانە، ارينە، پلاتفورمانى ۇلتتىق مۋزىكامەن تولتىردى. مەرەكەنىڭ باستى مۋزىكالىق ترەندتەرىنىڭ ءبىرى داستۇرلەر مەن زاماناۋي موتيۆتەردى ۇيلەستىرەتىن «قاماجاي» قازاق حالىق ءانىنىڭ رەميكسىندە بي بولدى.