189 قازاقستاندىق "بولاشاق" ستيپەندياسىنىڭ يەگەرى اتاندى، دەپ حابارلايدى aqshamnews.kz
2025 جىلى كونكۋرس كەشەندى تەستىلەۋ مەن جەكە اڭگىمەلەسۋدى قامتيتىن كەزەڭدىك ىرىكتەۋدىڭ جاڭا ەرەجەلەرى بويىنشا وتكەنى بەلگىلى.
"جاڭا ستيپەندياتتاردىڭ جالپى سانىنان 164 ادام ماگيستراتۋرادا، 10 ادام دوكتورانتۋرادا وقيدى، ال 15 قازاقستاندىق "الەمنىڭ ۇزدىك ۋنيۆەرسيتەتتەرى مەن ورتالىقتارىندا" كاسىبي تاعىلىمدامادان وتەدى"، – دەپ حابارلادى ورتالىق.
حالىقارالىق ستيپەنديا جەڭىمپازدارىنىڭ ءتىزىمىن مىنا جەردەن كورۋگە بولادى.
"بولاشاق" – قازاقستان رەسپۋبليكاسى پرەزيدەنتىنىڭ حالىقارالىق ءبىلىم بەرۋ ستيپەندياسى. باعدارلامانىڭ ماقساتى – ەل ەكونوميكاسىنىڭ باسىم سەكتورلارى ءۇشىن كادرلار مەن مامانداردى دايارلاۋ، قايتا دايارلاۋ جانە بىلىكتىلىگىن ارتتىرۋ. باعدارلاما جوعارى وقۋ ورىندارىندا عىلىمي دارەجە الۋدى دا، الەمنىڭ جەتەكشى كومپانيالارى مەن ۋنيۆەرسيتەتتەرىندە عىلىمي جانە وندىرىستىك تاعىلىمدامادان ءوتۋدى دە قامتيدى.
2025 جىلعى 22 مامىردا كونستيتۋسيالىق سوت "بولاشاق" باعدارلاماسىن اياقتاعاننان كەيىن قازاقستاندا جۇمىس ىستەۋ زاڭعا سايكەس ازاماتتىق-قۇقىقتىق شارتتىڭ شارتى بولىپ تابىلاتىنىن ءتۇسىندىردى.