«بولاشاق» باعدارلاماسىنىڭ تۇلەگى اعىلشىن ءتىلىن ۇيرەتەتىن اۆتورلىق باعدارلاما جاساپ شىعاردى

بۇل باعدالاما اۋىل بالالارىنا اعىلشىن ءتىلىن ۇيرەتۋدى كوزدەيدى.

تىلدىك داعدىنى دامىتاتىن جوبانى ازىرلەۋ ءۇشىن ول بىرنەشە وقۋ-ادىستەمەلىك قۇرالدارىن زەرتتەگەن. سويتكەن ەڭبەگى ەش كەتپەپتى. ءقازىر وقۋشىلارى اۋدان بويىنشا وزىق تۇر. باقىتگۇل بەيسەتبايەۆا 13 جىلدان بەرى ۇستازدىق ەتەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

ول ءوزى جۇمىس ىستەيتىن جۇرىمبەك سىدىقوۆ اتىنداعى مەكتەپتىڭ 2005 جىلعى تۇلەگى. جوعارى ءبىلىمدى قىرعىزستاندا، ال ماگيستراتۋرانى «بولاشاق» باعدارلاماسىمەن انگليادا وقىعان بىلىكتى مامانعا كەزىندە ءتۇرلى لاۋازىمدى قىزمەت ۇسىنىلىپتى. اعىلشىن ءتىلى ءپانىنىڭ ءمۇعالىمى سونىڭ بارىنەن باس تارتىپ، تۋعان اۋىلىندا قالۋدى ءجون ساناعان. 

«ءوزىمنىڭ ۇستانىمىم بار. ءوزىم ەلىمە كومەك كورسەتسەم قاي جەردە بولماسى، اۋىلدى جەردە بولماسىن. وسى نەگىزگى ۇستانىمىن سەبەپ. ءوز مەكتەبىمدە جاڭعىرىپ، ءوز مەكتەبىمدە جۇمىس جاساپ وسى بالالاردىڭ دەڭگەيىن كوتەرىپ ۇلەسىمدى قوسقىم كەلەدى»، - ج.سىدىقوۆ اتىنداعى ورتا مەكتەپتىڭ ءمۇعالىمى باقىتگۇل بەيسەتبايەۆا.

«بولاشاق» باعدارلاماسىنىڭ تۇلەگى وقۋشىلارعا ساباق بەرىپ قانا قويماي، وقۋ ادىستەمەلىك قۇرالداردى زەرتتەگەن. سول ارقىلى «English اۋىلدا» جوباسىنا قاتىسىپ جەڭىمپاز اتاندى. ءارى اۋىل بالالارىنا شەت ءتىلىن ۇيرەتۋدىڭ اۆتورلىق باعدارلاماسىن جاساپ شىعاردى.

«ءبىز وقۋ جىلىن باستاعاندا وقۋشىلاردان دياگنوستيكالىق تەست الامىز. باسىندا، ورتاسىندا ءوزىنىڭ ۋاقىتىندا تەست الىپ مونيتورينگ جاساپ وتىرامىز. ودان كەيىن مۇعالىمدەرگە كومەك رەتىندە ءادىس تاسىلدەرمەن جۇمىس جاسايمىز. قالاي وقۋشىعا ءتيىمدى ساباق بەرۋ كەرەك. وقۋشىنى ءبىر ساباقتان شىققان كەزدە ءبىر ەكى سويلەمدى ءبىلىپ شىعۋ كەرەك. وسى جۇمىستاردىڭ بارلىعى جاسالدى. ەندى وسى جۇمىستاردى مينيستەرستۆوعا ۇسىنباقشىمىز»، - دەدى ج.سىدىقوۆ اتىنداعى ورتا مەكتەپ ءمۇعالىمى باقىتگۇل بەيسەتبايەۆا.

جۇرىنبەك سىدىقوۆ اتىنداعى مەكتەپتە بالالاردىڭ قارىم قابىلەتىن اشۋعا باعىتتالعان توعىز جوبا جۇزەگە اسىپ جاتىر. سونىڭ اياسىندا قوسىمشا فاكۋلتاتيۆتى ساباق وتەتىن «جاس ءورت ءسوندىرۋشى» كادەت سىنىبى اشىلدى. ءبىلىم ورداسىندا وزگە دە باستامالار قولعا الىنعان. 

«ول «ءبىز تاڭداعان توعىز قادام» دەپ اتالادى. وسى جوبا ىشىندە «English اۋىلدا» جوباسى بويىنشا ۇتىپ العان باقىتگۇل تولەگەن قىزىنىڭ جۇمىسى وسى باعدارلامانىڭ ىشىندەگى ستراتەگيالىق باعىت بولعان. سول توعىز قاداممەن جۇمىس ىستەپ، «دارىندى بالالار»، «تالانتتى ۇستازعا دارىندى وقۋشى» سەكىلدى ءاربىر باعىت بويىنشا جۇمىس ءجۇرىپ جاتىر»، - دەدى ج.سىدىقوۆ اتىنداعى ورتا مەكتەپتىڭ ديرەكتورى ءادىلجان سىزدىقبايەۆ. 

مەكتەپتە اعىلشىن تىلىنەن سەگىز ءمۇعالىم ساباق بەرەدى. ولاردىڭ شاكىرتتەرى بىلتىرعى ۇبت اۋدان بويىنشا ەڭ جاقسى كورسەتكىشكە قول جەتكىزدى.