سوڭعى ۋاقىتتا الەۋمەتتىك جەلىلەر مەن حابارلاندىرۋ پلاتفورمالارىندا زەينەتاقى جيناقتارىن الۋ بويىنشا دەلدالدىق قىزمەتتەردى ۇسىناتىن جارنامالار سانى كوبەيىپ كەتتى. بۇل جارنامالاردا ازاماتتارعا زەينەتاقى جيناقتارىن ەڭ تومەنگى جەتكىلىكتىلىك شەگىنەن (تجش) اسقان جاعدايدا تومەن پايىزبەن راسىمدەپ بەرۋگە ۋادە ەتىلۋدە، دەپ حابارلايدى aqshamnews.kz
وسىعان بايلانىستى، «ءبىرىڭعاي جيناقتاۋشى زەينەتاقى قورى» (بجزق) قازاقستان ازاماتتارىن مۇنداي كۇماندى دەلدالدىق قىزمەتتەردەن ساق بولۋعا شاقىرادى. بجزق مالىمەتىنشە، زەينەتاقى جيناقتارىن پايدالانۋ ق ر الەۋمەتتىك كودەكسىندە قاتاڭ بەلگىلەنگەن جاعدايدا عانا رۇقسات ەتىلەدى. ولار:
- زەينەت جاسىنا تولۋ؛
- 1 نەمەسە 2 توپتاعى مەرزىمسىز مۇگەدەكتىك؛
- شەتەلگە تۇراقتى تۇرۋعا كەتۋ؛
- مۇراگەرلىك قۇقىق ارقىلى.
سونىمەن قاتار، زەينەتاقى جيناقتارىن تۇرعىن ءۇي جاعدايلارىن جاقسارتۋ نەمەسە ەمدەلۋ ماقساتىندا پايدالانۋ تەك ارنايى ۋاكىلەتتى وپەراتورلار ارقىلى، ياعني ەكىنشى دەڭگەيلى بانكتەر ارقىلى جۇزەگە اسادى. بۇل قىزمەتتەرگە ەشقانداي دەلدالدىق قاجەت ەمەس، ال بجزق بۇل پروسەستەر ءۇشىن قوسىمشا اقى المايتىنىن حابارلايدى.
بجزق ازاماتتاردى ەشبىر دەلدالدارعا اقشا تولەمەي، زاڭدى جانە رەسمي جولمەن ءوز زەينەتاقى جيناقتارىن پايدالانۋ ماسەلەسىن شەشۋگە شاقىرادى.