بيزنەس اشۋدى كوزدەگەن قانداستارعا قانداي جەڭىلدىك بەرىلەتىنى ايتىلدى

100 بيزنەس-جوبادان تۇراتىن كەيس قالىپتاسادى.

ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا «قازاق كارتاسى» تۋرالى ايتتى، دەپ حابارلايدى Almaty-akshamy.kz. 

«قازاق كارتاسى» 100 ەتنيكالىق قازاققا – جوعارى دەڭگەيدەگى كاسىپقويلار نەمەسە تابىستى بيزنەس-كەيستەردى جۇزەگە اسىرعان جانە ونى قازاقستاندا كەڭەيتۋدى قالايتىن باسقا ەلدەردىڭ ازاماتتارىنا بەرىلە وتىرىپ ەنگىزىلەدى»، - دەدى ەڭبەكمينى باسشىسى.

سونىمەن قاتار مەملەكەت باسشىسىنىڭ تاپسىرماسى بويىنشا ەلىمىزدىڭ سولتۇستىك جانە ورتالىق وڭىرلەرىنە رەتتەلەتىن ىشكى كوشى-قوندى ۇيىمداستىرۋ تاسىلدەرى قايتا قارالدى.

ءاربىر قابىلداۋشى ءوڭىر قونىس اۋدارۋدى ىنتالاندىرۋ ءۇشىن جۇمىس كۇشى تاپشىلىعىن سەزىنىپ وتىرعان ەكونوميكانىڭ باسىم سەكتورلارىن انىقتايتىن ارنايى وڭىرلىك باعدارلاما ازىرلەۋدە.

ەلىمىزدىڭ باسقا وڭىرلەرىندە قۇرىلعان قولدانىستاعى بيزنەس-جوبالاردى كوشىرۋدى جانە كەڭەيتۋدى كوزدەيتىن سولتۇستىك جانە ورتالىق وڭىرلەر ءۇشىن 100 بيزنەس-جوبادان تۇراتىن كەيس قالىپتاسادى.

قونىس اۋدارۋدى ىنتالاندىرۋ ءۇشىن قونىس اۋدارۋ اۋماعىنداعى تۇرعىن ءۇي قۇنىنىڭ 50% دەيىن وتەماقى الۋعا قۇقىق بەرەتىن ۇتقىرلىق سەرتيفيكاتى ەنگىزىلەدى.

مەملەكەت باسشىسى ايقىنداعان كەلەسى باسىمدىق – حالىقتىڭ تابىسىن ارتتىرۋ، جۇمىس ىستەيتىن ازاماتتاردىڭ قۇقىقتارىن قورعاۋ جانە حالىقتىڭ الەۋمەتتىك وسال ساناتتارىن قولداۋ شارالارىن كۇشەيتۋ.