قازاقستاندا بەلگيالىق فەرمەرلەر الەمگە تانىمال كوك سيىردىڭ تۇقىمىن وسىرۋگە قىزىعۋشىلىق تانىتىپ وتىر.
ولار اسىل تۇقىمدى سيىردىڭ ۇرىعىن ەلىمىزگە ەكسپورتتاپ قانا قويماي، جەرگىلىكتى شارۋالارمەن فەرمالاردى باسقارۋ مال شارۋاشىلىعىنا جاڭا تەحنولوگيانى ەنگىزۋ تاجىريبەسىمەن بولىسۋگە دايىن، دەپ حابارلايدى Almaty-akshamy.kz.
ءتيىستى كەلىسىمدەرگە قازاقستاندىق دەلەگاسيانىڭ كورولدىككە جاساعان ساپارى بارىسىندا قول جەتكىزىلدى.
«ءبىزدىڭ فەرمەرلەر ءىرى قارا مال ءوسىرۋ مەن ەت جانە ءسۇت باعىتىنداعى ءوندىرىس سەكتورىندا بەلگىلى ءبىر تەحنولوگيالارعا مۇقتاج. مەنىڭ ويىمشا، مۇنداي ساپارلار وتە قاجەت. سوندىقتان قازاقستاندىق شارۋالاردىڭ بەلگيا پروۆينسيالارىنا كەلۋى ءۇشىن قاجەتتى جۇمىستاردى ارى قاراي جالعاستىرا بەرمەكپىز. تاعى ءبىر ايتا كەتەرلىك جايت، جۋىردا بەلگيالىق سەرىكتەستەرىمىز قازان ايىندا استانادا وتەتىن «قازاگرو» اگروونەركاسىپتىك كورمەسىنە قاتىسۋدى جوسپارلاپ وتىر»، - دەيدى قازاقستاننىڭ بەلگيا مەن ليۋكسەمبۋرگتەگى ەلشىسى مارعۇلان بايمۇحان.