بيلىك جۇيەسىندە مۇنداي اۋقىمدى وزگەرىس بۇرىن-سوڭدى بولمادى.
بۇل تۋرالى بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى aqshamnews.kz.
- جەرگىلىكتى بيلىك تۇبەگەيلى جاڭعىرتىلدى. ءۇش جىلدان استام ۋاقىت ىشىندە اۋىل اكىمدەرىنىڭ 72 پايىزى جاڭاردى. ونىڭ ۇشتەن ءبىرى – بۇرىن مەملەكەتتىك قىزمەتتە بولماعان ازاماتتار. ءبىر سوزبەن ايتساق، ايماقتارداعى اتقارۋشى بيلىككە جاڭا ادامدار كەلىپ جاتىر. پيلوتتىق جوبا رەتىندە اۋداندار مەن وبلىستىق ماڭىزى بار قالالاردىڭ 45 اكىمى سايلاندى. بيىلدان باستاپ بارلىق اۋدان اكىمدەرىن حالىق تىكەلەي سايلايتىن بولادى، - دەدى قاسىم-جومارت توقايەۆ.
ونىڭ ايتۋىنشا، ءتۇرلى دەڭگەيدەگى ءماسليحات سايلاۋى وكىلدى بيلىك ورگاندارىنىڭ جۇمىسىنا تىڭ سەرپىن بەردى.
- وبلىستىق جانە اۋداندىق ءماسليحات دەپۋتاتتارىنىڭ 90 پايىزى ءبىر مانداتتى وكرۋگتەن، ياعني تىكەلەي داۋىس بەرۋ ارقىلى سايلاندى. بيلىك جۇيەسىندە مۇنداي اۋقىمدى وزگەرىس بۇرىن-سوڭدى بولمادى، - دەدى پرەزيدەنت.