ازاماتتار 700 تەڭگە تۇراتىن ساپاسىز ويىنشىققا قاتىستى دا وتەماقى تالاپ ەتىپ، ءوز قۇقىقتارىن قورعاعان، دەپ حابارلايدى aqshamnews.kz
بۇل تۋرالى تۇتىنۋشىلاردىڭ قۇقىقتارىن قورعاۋ كوميتەتى حابارلادى.
2025 جىلدىڭ العاشقى بەس ايىندا تۇتىنۋشىلاردىڭ شاعىمدارى بويىنشا جالپى سوماسى 881،3 ميلليون تەڭگەدەن استام قاراجات قايتارىلدى. ەل ازاماتتارى كوبىنەسە ساپاسىز تاۋارلارعا (اۆتوكولىكتەر، كوسمەتيكا، ۇيالى تەلەفوندار)، قىزمەتتەردىڭ ورىندالماۋىنا (شيپاجاي جولدامالارى، قوعامدىق تاماقتانۋ، فيتنەس، تۋريزم)، سونداي-اق راسىمدەلمەگەن نەمەسە ۋاقتىلى بەرىلمەگەن جىلجىمايتىن مۇلىككە شاعىمدانعان.
«قاراعاندى وبلىسىندا 45 كۇننەن اسا ۋاقىت بەرىلمەگەن پاتەر بويىنشا شارت تالاپتارىنىڭ ورىندالۋى قامتاماسىز ەتىلىپ، تۇتىنۋشى 33،5 ملن تەڭگە تۇراتىن جىلجىمايتىن مۇلىككە قول جەتكىزدى. سەمەيدە قوعامدىق تاماقتانۋ ورنىندا تۇتىنۋشىنىڭ تاپسىرىسى ورىندالماي، مەكەمە اكىمشىلىك جاۋاپكەرشىلىككە تارتىلدى»، - دەلىنگەن مينيسترلىك تاراتقان اقپاراتتا.