الماتىدا پوليسيا قىزمەتكەرلەرى جول قاۋىپسىزدىگىن قامتاماسىز ەتۋ ماقساتىندا تۇنگى پروفيلاكتيكالىق رەيد وتكىزدى، دەپ حابارلايدى aqshamnews.kz Polisia.kz-كە سىلتەمە جاساپ.
شارانىڭ ماقساتى - جول-كولىك وقيعالارى مەن جول قوزعالىسى ەرەجەلەرىن ورەسكەل بۇزۋدىڭ الدىن الۋ بولدى. رەيد بارىسىندا ونداعان زاڭ بۇزۋشىلىقتار انىقتالدى. كولىكتى ماس كۇيىندە جۇرگىزگەنى، ساقتاندىرۋ جانە تەحنيكالىق بايقاۋدان وتپەگەنى، اينەكتەرى قاراڭعىلانعان جانە مەملەكەتتىك ءنومىرسىز كولىك جۇرگىزگەنى ءۇشىن جۇرگىزۋشىلەرگە حاتتامالار تولتىرىلدى. باعدارشامنىڭ قىزىل تۇسىنە ءوتۋ، مانيەۆر جاساۋ ەرەجەلەرىن بۇزۋ، كولىكتى دۇرىس قويماۋ جانە توتەنشە جاعداي تۋعىزۋ دەرەكتەرى تىركەلدى.
"جول قاۋىپسىزدىگىن قامتاماسىز ەتۋ ءبىز ءۇشىن باستى مىندەت بولىپ قالا بەرەدى. "پروفيلاكتيكا جىلى" جانە "زاڭ مەن ءتارتىپ" قاعيداتىن ۇستانىپ، قۇقىق بۇزۋشىلىقتىڭ الدىن الۋ جۇمىستارى كۇن سايىن جالعاساتىن بولادى"، - دەدى، الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.