ۇكىمەت ەكونوميكا بويىنشا 2023 جىلدىڭ قورىتىندىسىن جاسادى
ەل ەكونوميكاسى سىرتقى جاعدايلارعا ءساتتى بەيىمدەلىپ، بيىل ورنىقتى ءوسۋ تراەكتورياسىنا شىقتى. قاڭتار-قاراشانىڭ قورىتىندىسىنا سايكەس ەكونوميكانىڭ ءوسۋى 4،9% بولسا، وتكەن جىلدىڭ سايكەس كەزەڭىندە بۇل كورسەتكىش 2،7% بولدى. جالپى رەسپۋبليكا بويىنشا جان باسىنا شاققانداعى ءجىو $11،5 مىڭنان 13،3 مىڭ دوللارعا دەيىن ءوستى. جىلدىق ماندەگى ينفلياسيا قاراشادا 2022 جىلعى جەلتوقسانداعى 20،3%-دان 10،3%-عا دەيىن تومەندەدى. 6 ايدىڭ قورىتىندىسىنا سايكەس، 13،3 ملرد دوللار تىكەلەي شەتەلدىك ينۆەستيسيا تارتىلدى. جىل قورىتىندىسى بويىنشا تشي شامامەن 27 ملرد دوللار دەڭگەيىنە جەتكىزۋ جوسپارلانعان.
ەكونوميكانىڭ بارلىق سالالارىندا جالپى قۇنى 967،7 ملرد تەڭگە بولاتىن 210 جاڭا ينۆەستيسيالىق جوبا ىسكە قوسىلدى. جالپى جىل قورىتىندىسى بويىنشا 1،6 ترلن تەڭگەگە 291 جوبا پايدالانۋعا بەرىلەدى دەپ كۇتىلەدى. ماشينا جاساۋ ءوندىرىسى 26،8%-رەكوردتىق قارقىنمەن ءوستى.
بيىل قازاقستان $65 ملرد-تىڭ ءونىمىن ەكسپورتتادى، سونىمەن بىرگە وڭدەلگەن تاۋارلاردىڭ ەكسپورتى $21 ملرد-قا جەتتى. «قاراپايىم زاتتار ەكونوميكاسى» كاسىپكەرلىكتى قولداۋدىڭ مەملەكەتتىك باعدارلاماسى بويىنشا شارتتار جەتىلدىرىلدى. 10 مىڭ ارتىق بيزنەس تالاپتارى الىنىپ تاستالدى. كاسىپكەرلىك سۋبەكتىلەرىنە مەملەكەتتىك قولداۋ كورسەتۋ (سۋبسيديالاۋ جانە كەپىلدىك بەرۋ) جىل سايىن ارتىپ كەلەدى. اتاپ ايتقاندا، بۇل ماقساتتارعا «بايتەرەك» حولدينگى جەلىسى ارقىلى 2،3 ترلن تەڭگە ءبولىندى. شاعىن جانە ورتا كاسىپكەرلىكتى قولداۋ 209 ملرد تەڭگەدەن 288 ملرد تەڭگەگە دەيىن ۇلعايدى