بيىلعى 5 ايدا قازاقستاندا 19،7 مىڭ توننا بالمۇزداق پەن تاعامدىق مۇز ءوندىرىلدى.
ۇلتتىق ستاتيستيكا بيۋروسىنىڭ مالىمەتىنشە، وتكەن جىلدىڭ قاڭتار-مامىرىمەن سالىستىرعاندا بۇل 38،1% ارتىق.
جالپى 2022 جىلى قازاقستاندا 41،3 مىڭ توننا بالمۇزداق ءوندىرىلدى، دەپ حابارلايدى Almaty-akshamy.kz.
وسى رەتتە 9،2 مىڭ توننا ءونىم يمپورتتالعان، سىرتتان اكەلىنەتىن ءونىمنىڭ ۇلەس سالماعى – 18،3%. وزگە ەلدەردەن بالمۇزداق جىبەرەتىن ەلدەردىڭ العاشقى ۇشتىگىنە رەسەي (5،6 مىڭ توننا)، قىرعىزستان (2،1 مىڭ توننا) جانە تۇركيا (911،5 توننا) كىرەدى. سونداي-اق وتكەن جىلى بالمۇزداق بەلارۋس، ۋكراينا، بەلگيا، فرانسيا، يتاليا، شۆەيساريا جانە كورەيادان اكەلىندى.
«وتكەن جىلدىڭ 12 ايىندا 5 مىڭ توننا بالمۇزداق ەكسپورتتالدى. قازاقستاننان ءونىم تمد ەلدەرىنە (4،9 مىڭ توننا)، سونداي-اق موڭعولياعا (72،6 توننا) جىبەرىلگەن»، - دەپ جازدى ۆەدومستۆودان.