ونىڭ 35ء-ى ەش جەردە جاريالانباعان.
بيىل مادەنيەت جانە سپورت مينيسترلىگى 101 ادەبي شىعارمانى باسىپ شىعارۋدى جوسپارلاپ وتىر، دەپ حابارلايدى Almaty-akshamy.kz
بۇل تۋرالى ۆەدومستۆونىڭ ارحيۆ ىستەرى جانە قۇجاتتامانى باسقارۋ كوميتەتى باسپا ءىسى باسقارماسىنىڭ باسشىسى الماز مىرزاحمەت ايتتى.
«ساراپتاما كوميسسياسى اۋەلى ادەبي شىعارمالارىن باسىپ شىعارعىسى كەلەتىن ازاماتتار مەن مەكەمەلەردىڭ وتىنىمدەرىن قاراپ شىعادى. سوسىن شىعارمانىڭ مازمۇنىنا نازار اۋدارىپ، قورىتىندى جاسايدى. ەگەر شىعارما ساراپشىنىڭ جاقسى باعاسىن السا، ول كوميسسيا شەشىمىمەن باسىپ شىعارىلاتىن ادەبيەتتەر تىزىمىنە ەنگىزىلەدى. وتىنىمدەر جىل سايىن كوركەم ادەبيەت، بالالار مەن جاسوسپىرىمدەرگە ارنالعان ادەبيەت، مادەنيەت جانە ونەر تۋرالى ادەبيەت، ەنسيكلوپەديالىق-انىقتامالىق ادەبيەت، عىلىمي-كوپشىلىك ادەبيەت، قوعامدىق-ساياسي ادەبيەت، اۋدارما ادەبيەتى، مەرەيتويلار مەن اتاۋلى كۇندەرگە ارنالعان ادەبيەت تۇرلەرى بويىنشا قابىلدانادى»، – دەدى الماز مىرزاحمەت.
بىلتىر 188 شىعارما 506 مىڭ دانامەن شىعىپ، بارلىق وڭىردەگى مەملەكەتتىك كىتاپحانالارعا تاراتىلدى. ونىڭ ىشىندە «جاڭا قازاق ادەبيەتى» سەرياسى بويىنشا جارىققا شىققان كىتاپتار وقىرماننىڭ لايىقتى باعاسىن الدى.