تۇركيادا جەر سىلكىنىسىنەن كەيىن جەتىمدەر سانى ءوستى.
ناقتى سانى ازىرگە بەلگىسىز. ءبىراق اتا-اناسىز قالعان بالالاردى اسىراپ الۋعا ءوتىنىش بەرگەندەر سانى 300 مىڭعا جۋىقتاپ قالدى، دەپ حابارلايدى Almaty-akshamy.kz
بۇنى وسى ەلدىڭ «حابەرتۇرىك» باسىلىمى حابارلاپ وتىر. ونىڭ دەرەگىنشە، بۇرىن مۇنداي ارىز كۇنىنە ءۇش ادامنان عانا تۇسەتىن. ءقازىر ولاردىڭ سانى ون ەسەگە تاياۋ وسكەن.
تۇركيا مەن سيريادا جويقىن ءزىلزالا اقپاننىڭ 6-دا بولىپ، 47 مىڭنان استام ادام قازا تاۋىپ، تالاي بالا اتا-اناسىنان ايرىلدى. جانە دە جەر سىلكىنىستەرى دۇيسەنبىدە تاعى قايتالانىپ، ودان دا ەكى ەلدە بىرنەشە تۇرعىن مەرت بولعان.
تاعى ءبىر ايتا كەتەتىن جايت، تۇركيادا ۇيلەردىڭ قۇلاۋىنا بايلانىستى 564 كۇدىكتى تۇتقىندالعانى بەلگىلى بولىپ وتىر.