سوڭعى جىلدارى ديزەل وتىنىنىڭ تاپشىلىعى ماسەلەسى وزەكتى بولىپ وتىر.
جانار-جاعارماي تەك تالون مەن كارتا بويىنشا نەمەسە ءتىپتى شەكتەۋلى كولەمدە عانا ساتىلعان كەزدەر دە بولعان.
سەناتور باقىتجان باياحمەتوۆتىڭ ايتۋىنشا، ەلىمىزدەگى ءىرى ءۇش مۇناي وڭدەۋ زاۋىتىندا ءوندىرىس پروبلەماسىنا بايلانىستى جىل سايىن مۇناي ونىمدەرىنىڭ تاپشىلىعى بايقالادى. دەپۋتات بۇعان كورشى ەلدەردەگى وتىن باعاسى دا سەبەپ بولاتىنىن، ويتكەنى وندا بىزدىكىنەن ەكى ەسە قىمبات ەكەنىن، تيىسىنشە، ترانزيتتىك كولىكتەردىڭ ىڭعايىنا قاراي جۇمىس ىستەيتىنىن جەتكىزدءى، دەپ حابارلايدى Almaty-akshamy.kz.
سەناتور 2025 جىلعى 1 قاڭتاردان باستاپ ەاەو اياسىندا مۇناي مەن مۇناي ونىمدەرىنىڭ ءبىرىڭعاي نارىعىنىڭ نورماسى ەنگىزىلەتىنىن ەسكە سالدى. وعان ءبىزدىڭ ەلدەن باسقا رەسەي مەن قىرعىزستان كىرەدى، ولاردا وتىن باعاسى جوعارى.
وسىعان بايلانىستى باقىتجان باياحمەتوۆ پرەمەر-مينيستر ءاليحان سمايىلوۆتىڭ اتىنا دەپۋتاتتىق ساۋال جولدادى.
«ءۇش ءىرى مۇناي وڭدەۋ زاۋىتىنىڭ وندىرىستىك قۋاتىندا بارىنشا جۇمىس ىستەۋىن ەسكەرە وتىرىپ، ۇكىمەت مۇناي ونىمدەرى ءوندىرىسىنىڭ ءوسۋىن ىنتالاندىرۋ ءۇشىن قانداي شارالار قابىلداۋدى جوسپارلاپ وتىر؟ قازاقستان مەن ونىڭ كورشىلەرى اراسىنداعى ديزەل وتىن باعاسىنىڭ جالعاسىپ كەلە جاتقان تەڭسىزدىگىنە قاتىستى ۇكىمەتتىڭ كوزقاراسى قانداي؟ ۇنەمى بولىپ تۇراتىن مۇناي ونىمدەرى مەن ديزەل وتىنىنىڭ تاپشىلىعى ماسەلەسىن شەشۋ ءۇشىن ۇكىمەتتىڭ ورتا مەرزىمدى نەمەسە ۇزاق مەرزىمدى جوسپارى بار ما؟»، - دەلىنگەن باياحمەتوۆتىڭ دەپۋتاتتىق ساۋالىندا.