3 كوشەگە ورتاشا جوندەۋ جۇمىستارى جۇرگىزىلىپ جاتىر.
الماتى اكىمى ەربولات دوسايەۆ جىل باسىنان بەرى بوستاندىق اۋدانىنداعى جول ينفراقۇرىلىمى جانە قاۋىپسىزدىك جۇمىستارىن قالاي جۇرگىزىلگەنىن ايتتى، دەپ حابارلايدى Almaty-akshamy.kz.
«وسى جىلدىڭ باسىنان باستاپ جالپى اۋدانى 8 248 شارشى مەتر 65 كوشە اعىمداعى جوندەۋدەن ءوتتى، ۇزىندىعى 15،2 كم 18 كوشەگە ورتاشا جوندەۋ جۇرگىزىلدى. ونىڭ ىشىندە تۇرعىنداردىڭ ءوتىنىشى بويىنشا تالاپتى كوشەسى جوندەلدى. بۇدان باسقا، 3 كوشەگە ورتاشا جوندەۋ جۇمىستارى جۇرگىزىلۋدە»، - دەدى قالا اكىمى.
ەربولات دوسايەۆتىڭ ايتۋىنشا، جول قاۋىپسىزدىگىن قامتاماسىز ەتۋ ماقساتىندا جىل باسىنان بەرى جاياۋ جۇرگىنشى وتكەلدەرى بەلگىلەنىپ، 18 باعدارشام ورناتىلدى.
«اۋداندا قۇقىقبۇزۋشىلىقتاردىڭ الدىن الۋ جانە وعان جول بەرمەۋ ءۇشىن 1 245 كوپ پاتەرلى ۇيگە 7 639 كامەرا ورناتىلدى. 2022 جىلدىڭ جەلتوقسان ايىندا ادامدار كوپ جينالاتىن جەرلەرگە قوسىمشا 301 بەينە مونيتورينگ جۇيەسى (بمج 3050) ورناتىلادى. جول قاۋىپسىزدىگىن قامتاماسىز ەتۋ ءۇشىن 103 «سەرگەك» اپپاراتتىق-باعدارلامالىق كەشەنى (اپك) (792 كامەرا) ورناتىلدى.2023 جىلدىڭ 1 شىلدەسىنە دەيىن تاعى 96 «سەرگەك» (465 كامەرا) ورناتىلادى. ونىڭ ىشىندە 78 جەلىلىك كامەرا نەگىزگى كوشەلەردە، 18ء-ى جول قيىلىستارىندا بولادى»، - دەدى قالا باسىسى اۋدان تۇرعىندارىمەن كەزدەسۋ بارىسىندا.
اكىمنىڭ ايتۋىنشا،«يۋجنىي» پاركىندە ستاسيونارلىق مودۋلدىك پوليسيا پۋنكتى ورناتىلدى.