تۇرعىن ءۇي كەشەندەرىنىڭ كوپتەپ سالىنۋى سەبەپتى مەكتەپتەردە دە ورىن جەتىسپەي جاتىر.
اۋدان مەكتەپتەرىندەگى ورىن تاپشىلىعىن ازايتۋ ءۇشىن 1 قىركۇيەكتە 3 مەكتەپكە (№146، 191، 125) 875 ورىندىق قوسىمشا قۇرىلىس اياقتالدى، دەپ حابارلايدى Almaty-akshamy.kz
3 مەكتەپتى (№81، 40، 45) سەيسميكالىق كۇشەيتىپ، كۇردەلى جوندەۋ جۇمىستارى جۇرگىزىلدى.
30-قاراشاعا دەيىن «وربيتا-3» ىقشاماۋدانىنداعى №145 مەكتەپتى سەيسميكالىق كۇشەيتۋ جانە №9 ارنايى كوررەكسيالىق مەكتەپ-ينتەرناتقا قوسىمشا سالىنعان
120 ورىندىق قۇرىلىس اياقتالادى.
سونداي-اق 2022 جىلعى قاراشا ايىندا «قازاقفيلم» ىقشاماۋدانىنداعى №70 مەكتەپتى سەيسميكالىق كۇشەيتۋ باستالادى.
الەۋمەتتىك جاۋاپكەرشىلىك شەڭبەرىندە «بازيس» جاۋاپكەرشىلىگى شەكتەۋلى سەرىكتەستىگى 1ء-شى قازاندا №65 مەكتەپكە 300 وقۋشى ورىندىق قوسىمشا قۇرىلىس سالۋعا كىرىستى.
وقۋشى ورىندارىنىڭ تاپشىلىعىن ودان ءارى تومەندەتۋ ماقساتىندا بۇگىنگى تاڭدا قۇرىلىس كومپانيالارىندا مىناداي جاڭا جوبالار قاراستىرىلعان:
قالا اكىمدىگى «جايلى مەكتەپ» ۇلتتىق جوباسىن ىسكە اسىرۋ اياسىندا 2000 ورىندىق مەكتەپ سالۋ ءۇشىن اۋدانى جوسپارلاۋدا؛
«رامس قازاقستان» ج ش س 2023 جىلعى قىركۇيەكتە جاندوسوۆ كوشەسى، 94 مەكەنجايى بويىنشا 1 100 ورىندىق مەكتەپ قۇرىلىسىن اياقتايدى، سونداي-اق اعىمداعى جىلعى جەلتوقساندا 240 ورىندىق 2 بالاباقشا قۇرىلىسىن باستايدى.
مەكتەپكە دەيىنگى مەكەمەلەردە ورىن تاپشىلىعىن ازايتۋ ءۇشىن بۇرىنعى №1 بالالار ءۇيىنىڭ قولدانىستاعى عيماراتىن 480 ورىندىق بالاباقشاعا قايتا جاڭارتۋ تۋرالى شەشىم قابىلداندى. قازىرگى ۋاقىتتا جسق ازىرلەنۋدە. قۇرىلىس-مونتاج جۇمىستارىنىڭ باستالۋى 2023 جىلدىڭ كوكتەمىنە جوسپارلانعان.
اعىمداعى جىلدىڭ 30 قاراشاسىنا دەيىن ناۋاي كوشەسىندەگى №113 بوبەكجاي-باقشاسىن سەيسميكالىق كۇشەيتۋ اياقتالادى.
ادك اۋدانىندا دا جىل سوڭىنا دەيىن «اكۆارەل» تك (Bazis-A) ءارقايسىسى 150 ورىندىق 2 بالاباقشا اشىلادى.
2022 جىلدىڭ باسىنان بەرى 854 ورىندى 15 جەكە بالاباقشا اشىلدى.