ەۆوليۋسيالىق جاڭعىرۋ تۇجىرىمداماسى
بۇگىن اباي وبلىسىنىڭ اكىمى نۇرلان ۇرانحايەۆ مەملەكەت باسشىسى قاسىم-جومارت توقايەۆتىڭ ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن باسقارما باسشىلارىمەن، ءماسليحات دەپۋتاتتارىمەن جانە كاسىپكەرلەرمەن پىسىقتاپ، الداعى جۇمىستاردى ايقىندادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«پرەزيدەنت تاپسىرماسى - كۇردەلى گەوساياسي سىن-قاتەرلەر توعىسىندا دامۋدىڭ جاڭا كەزەڭىنە باعىت بەرەتىن ەۆوليۋسيالىق جاڭعىرۋ تۇجىرىمداماسى، ال ۇكىمەت پەن اكىمدىكتەر ءۇشىن، ستراتەگيالىق باعدار ەكەنى انىق»، – دەپ اتاپ ءوتتى وبلىس اكىمى نۇرلان ۇرانحايەۆ.
سونىمەن قاتار، جيىنعا قاتىسۋشىلار حالىقتى جۇمىسپەن قامتۋ ماسەلەسىن تالقىلادى. جۇمىسسىز ازاماتتاردىڭ تابىسىن ارتتىرۋدى قاراستىراتىن قۇرالداردىڭ ءبىرى كاسىپكەرلىكتى دامىتۋدىڭ 2025 جىلعا دەيىنگى جۇمىسپەن قامتۋعا جاردەمدەسۋ شارالارى پىسىقتالدى. بيىل اباي وبلىسىندا 13 477 جاڭا جۇمىس ورنىن قۇرۋ جوسپارلانعان. ونىڭ ىشىندە سۋبسيديالاناتىندار – 3 122، ينفراقۇرىلىمدىق جوبا – 4015، جەكە كاسىپكەرلىك باعىتىداعى جۇمىس – 6340. ءبىرىنشى جارتىجىلدىقتا 5 425 جۇمىس ورنى قۇرىلدى. سونداي- اق جارما اۋدانىندا «سەمەنت زاۋىتىن قالپىنا كەلتىرۋ» جوباسىن ىسكە اسىرۋ ەسەبىنەن عانا 1085 جۇمىس ورنى قۇرىلادى.
«الدا ەكونوميكانىڭ بارلىق سالالارىنىڭ باسەكەگە قابىلەتى مەن يننوۆاسيالىق قۇرامداسىن ارتتىرۋ جونىندە اۋقىمدى جۇمىس تۇر. بۇكىل مەملەكەتتىك ورگانداردىڭ، قارجى جانە قوعامدىق ينستيتۋتتاردىڭ ءىس-قيمىلىن ۇيلەستىرۋ - جۇمىس تيىمدىلىگىنىڭ كەپىلى. سوندىقتان پرەزيدەنتتىڭ تاپسىرمالارىن ىسكە اسىرۋعا اركىم ءوز ۋچاسكەسىندە تىكەلەي جانە بەلسەندى قاتىسۋى ءتيىس»، - دەپ اتاپ ءوتتى نۇرلان ۇرانحايەۆ.