بيىل 8 ايدا ەلىمىزدە بالاعا قىسىم كورسەتۋدىڭ 237 جاعدايى تىركەلدى، - دەپ حابارلايدى اqshamnews.kz ءتىلشىسى 24.kz-كە سىلتەمە جاساپ.
ونىڭ ىشىندە 219 ءىس سوت جانە قۇزىرلى ورگانداردا قارالدى. قۇقىقتىق ستاتيستيكاعا ۇڭىلسەك، بۋللينگ جاساعانداردىڭ 45 پايىزى 12 مەن 16 جاس ارالىعىنداعى وقۋشىلار. قالعانى جاسوسپىرىمدەر مەن ەرەسەكتەردىڭ تاراپىنان كورسەتىلگەن الىمجەتتىك ەكەن. 88 ءىستى سوت جانە وزگە دە وكىلەتتى ورگاندار توقتاتقان.
سونىمەن قاتار، 87 جاعدايدا اتا-انالارعا ەسكەرتۋ جاسالدى. قاڭتار-تامىز ارالىعىندا 131 ادام بۋللينگكە قاتىستى اكىمشىلىك جاۋاپكەرشىلىككە تارتىلىپتى. 44 ىسكە قاتىستى ايىپپۇل سالىنعان. ايتا كەتۋ كەرەك، اكىمشىلىك كودەكستىڭ 127 بابى، ەكىنشى تارماعىنا سايكەس، بالاعا ءبىرىنشى رەت قىسىم كورسەتكەنى ءۇشىن 10 ايلىق ەسەپتىك كورسەتكىش، ياعني 39 مىڭ تەڭگەدەن استام ايىپپۇل تاعايىندالادى. ەگەر بۇل جاعداي قايتالانسا، وندا ايىپپۇل مولشەرى ەسەلەنىپ، 118 مىڭ تەڭگەگە دەيىن جەتۋى مۇمكىن. جالپى، بيىل بۋللينگ ءۇشىن 1 ملن 655 مىڭ تەڭگەنىڭ ايىپپ ۇلى تاعايىندالعان ەكەن. ونىڭ 1 ملن تەڭگەدەن استامى وسى ۋاقىتقا دەيىن ءوندىرىلدى.