ىشكى ىستەر مينيسترلىگىنىڭ رەسمي وكىلى شىڭعىس الەكەشيەۆ الەۋمەتتىك جەلىدەگى جالعان اقپاراتتىڭ تارالۋىنا قاتىستى پىكىر ءبىلدىردى. بۇل تۋرالى ول Astana Media Week مەديا اپتالىعىندا ءبولىستى، - دەپ حابارلايدى اqshamnews.kz ءتىلشىسى.
رەسمي وكىل پەريزات قايراتتى مىسالعا كەلتىردى.
"العاشقى سوت وتىرىسىندا ول ۋاقىتشا ۇستاۋ يزولياتورىندا سوققىعا جىعىلعانىن ايتتى. دەرەۋ تەكسەردىك، ول قولىن ەسىككە ۇرىپ العانى انىقتالدى. بەينەجەتون، بەينەكامەرالار ورناتىلىپ جاتىر. مۇنداي سيفرلىق قوسىمشالاردى قوسىپ جاتىرمىز. سونداي-اق، 102 موبيلدىك قوسىمشاسى بار، Kaspi، Halyk، Egov-تا شاعىم جولداي الاتىن ءموبيلدى قىزمەتتى ىسكە قوستىق. العاشىندا 500 شاعىم تۇسسە، ءقازىر 30 مىڭنان اسا شاعىم تۇسەدى. قوعامدىق ورىندارىنداعى SOS باتىرمالارى دا بار"، - دەدى ول.
شىڭعىس الەكەشيەۆتىڭ ايتۋىنشا، بۇگىندە وقىتۋ باعدارلامالارى تۇبەگەيلى قايتا قارالعان.
"جالعان اقپاراتپەن كۇرەس قارقىندى ءجۇرىپ جاتىر. ويتكەنى ول دۇربەلەڭ تۋدىرادى. مىسالى بيىل جالعان اقپارات تاراتقان 64 ادام اكىمشىلىك جاۋاپكەرشىلىككە تارتىلىپ، 14 قىلمىستىق ءىس قوزعالدى"، - دەيدى ول.