ءوتىنىش قابىلداۋ 15 مامىردا باستالىپ، 31 مامىرعا دەيىن جالعاسادى.
بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا «وتباسى بانك» اق الماتى قالالىق فيليالى ديرەكتورىنىڭ ورىنباسارى ەليزادا تۇرەتايەۆا ايتتى، دەپ حابارلايدى Almaty-akshamy.kz
«الماتى جاستارى» باعدارلاماسىنا وتىنىشتەردى قابىلداۋ 15 مامىردا باستالىپ، 31 مامىرعا دەيىن جالعاسادى. تۇرعىن ءۇي باعدارلاماسىنىڭ الەۋەتتى قاتىسۋشىلارى almaty-zhastary.kz سايتىندا ونلاين ءوتىنىش بەرە الادى. ول ءۇشىن ۇمىتكەرلەرگە ەسق قاجەت.
الماتى اكىمدىگى مەن وتباسى بانكىنىڭ بىرلەسكەن جوباسىنا 35 جاسقا دەيىنگى/تولعان الماتىلىقتار قاتىسا الادى. وتىنىشتەر الماتى قالاسىنداعى مەملەكەتتىك رەسپۋبليكالىق جانە قالالىق ۇيىمداردا جۇمىس ىستەيتىن ازاماتتاردىڭ كەلەسى ساناتتارىنان قابىلدانادى:
- دارىگەرلەر مەن مەدبيكەلەر؛
- مۇعالىمدەر مەن تاربيەشىلەر؛
-ارتىستەر، جازۋشىلار، سۋرەتشىلەر، كومپوزيتورلار، مادەنيەت سالاسىنىڭ قىزمەتكەرلەرى؛
- جاتتىقتىرۋشىلار مەن سپورتشىلار؛
- ۋنيۆەرسيتەتتەر مەن عىلىمي-زەرتتەۋ ينستيتۋتتارىنىڭ وقىتۋشىلارى مەن عىلىمي قىزمەتكەرلەرى؛
- الەۋمەتتىك سالا قىزمەتكەرلەرى مەن قالالىق كوممۋنالدىق قىزمەت ماماندارى؛
- قۇقىق قورعاۋ ورگاندارىنىڭ قىزمەتكەرلەرى (ق ر ءىىم، تجد، قالالىق پروكۋراتۋرا، سىبايلاس جەمقورلىققا قارسى قىزمەت، ەكونوميكالىق تەرگەۋ دەپارتامەنتى)
- جۋرناليستەر مەن ب ا ق قىزمەتكەرلەرى (مەملەكەتتىك جانە كوممەرسيالىق)
ۇمىتكەرلەردىڭ رەسمي جۇمىس ءوتىلى الماتى قالاسىندا سوڭعى جارتى جىلدان كەم بولماۋى ءتيىس. سونداي-اق، باعدارلاما قاتىسۋشىسى جانە ونىڭ وتباسى مۇشەلەرى سوڭعى 5 جىل ىشىندە جىلجىمايتىن مۇلىككە يە بولماۋى ءتيىس.
«الماتى جاستارى» باعدارلاماسى 2017 جىلى باستالعان بولاتىن. قازىرگى تاڭدا قالانىڭ جاس تۇرعىندارى اراسىندا وتە تانىمال. وسى ۋاقىت ارالىعىندا ءبىز قالا باسشىلىعىمەن بىرلەسىپ 3 393 جاس ازاماتتى 52،5 ملرد تەڭگەگە باسپانامەن قامتاماسىز ەتتىك. بيىل باعدارلامانى جۇزەگە اسىرۋعا 20 ملرد تەڭگە ءبولىندى، ونىڭ 17 ملرد تەڭگەسى قالالىق بيۋدجەتتەن، 3 ملرد تەڭگەسى وتباسى بانكىنەن. بۇل قاراجات 1100 الماتىلىق تۇرعىننىڭ باسپانا ماسەلەسىن شەشۋگە مۇمكىندىك بەرەدى»، - دەپ ءتۇسىندىردى ە. تۋرەتايەۆا.
اlmaty-zhastary.kz سايتىندا وتىنىشتەردى قابىلداۋ اياقتالعاننان كەيىن الماتى قالاسى تۇرعىن ءۇي ساياساتى باسقارماسى ۇمىتكەرلەردىڭ جينالعان ۇپايلارى بويىنشا قاتىسۋشىلاردى ىرىكتەيدى. ۇپاي سانىنا نەكەگە تۇرعان جىلدارى، بالالارىنىڭ بولۋى، كاسىبى بويىنشا ۇزدىكسىز ەڭبەك ءوتىلىنىڭ ۇزاقتىعى، حالىقتىڭ الەۋمەتتىك وسال توپتارىنا جاتۋى اسەر ەتەتىن بولادى.
ۇمىتكەرلەر ءتىزىمى قۇرىلعاننان كەيىن ولاردىڭ بارلىعى تولەم قابىلەتتىلىگىن راستاۋ ءۇشىن وتباسى بانكىنە جولداما الادى. بانك قاتىسۋشىعا زاەم الۋ تۋرالى وڭ شەشىم شىققان كۇننەن باستاپ باسپانا ىزدەۋگە 45 كۇنتىزبەلىك كۇن ۋاقىت بەرەدى. پاتەردى الماتى قالاسىنداعى العاشقى نەمەسە ەكىنشى نارىقتاردان، سونداي-اق «قازاقستان تۇرعىن ءۇي كومپانياسى» اق كەپىلدىگى بار نىسانداردان ساتىپ الۋعا بولادى.
وتباسى بانك تۇرعىن ءۇيىن ساتىپ الۋعا 18 ملن تەڭگەگە دەيىن زاەم بەرە الادى (ەگەر مۇلىكتىڭ قۇنى 18 ملن تەڭگەدەن جوعارى بولسا، وندا ايىرماشىلىقتى قاتىسۋشى ءوز قاراجاتى ەسەبىنەن تولەي الادى). العاشقى جارنا كەمىندە 10% بولۋى كەرەك. نەسيە بويىنشا سىياقى مولشەرلەمەسى 5% (جتسم 5،2%) بولادى. نەسيەنى 25 جىلعا دەيىن الۋعا بولادى.