الماتىداعى اباي اتىنداعى اكادەميالىق وپەرا جانە بالەت تەاترىندا قالامگەرلەر قاۋىمى باس قوسقان قازاقستان جازۋشىلار وداعىنىڭ حVءى قۇرىلتايى ءوتىپ جاتىر.
وعان ەلىمىزدىڭ ءار وڭىرىنەن كەلگەن اقىن-جازۋشىلار، ق ر اقپارات جانە قوعامدىق دامۋ ءمينيسترى دارحان ءقىدىرالى، الماتى قالاسىنىڭ اكىمىنىڭ ورىنباسارى ا.قىرىقبايەۆ قاتىسۋدا، دەپ حابارلايدى Almaty-akshamy.kz.
قازاقستان جازۋشىلار وداعىنىڭ جارعىسىنا سايكەس، 5 جىلدا ءبىر رەت ەسەپ بەرۋ-سايلاۋ جينالىسى بولىپ تۇرادى. سوعان وراي، قازاقستان جازۋشىلارى مەن قالامگەرلەرى ۇلكەن جيىندا باس قوستى. بۇگىن وتكەن جىلداردا اتقارىلعان جۇمىستارعا ەسەپ بەرىلىپ، الداعى 5 جىلعا باعىت-باعدار بەلگىلەنەدى.
«بۇگىنگى جيىننىڭ الدىندا وتە كوپ داۋ-دامايلار بولدى. ءبىراق قازىرگى قازاقستاننىڭ وتپەلى جاعدايىندا ءبىزدىڭ ەلىمىزگە تۇراقتىلىق كەرەك. ول تۇراقتىلىق زيالى قاۋىمنان، قازاقستان جازۋشىلار وداعى سياقتى ۇلكەن بىرلەستىكتەن باستالادى. سوندىقتان بۇگىنگى جيىندا وزدەرىنىڭ شەشىمدەرىن ەلىمىزدىڭ ەرتەڭى ءۇشىن باياندى بولاتىنداي قابىلدايدى دەپ سەنەمىن»، – دەدى جازۋشى-پۋبليسيست مارات توقاشبايەۆ.
قازاقستان جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت ءتوراعالىق ەتكەن جىلدارداعى اتقارعان ىستەرىنە توقتالىپ ءوتتى. سونداي-اق، ومىردەن وتكەن اقىن-جازۋشىلاردى ەسكە الىپ، ولاردىڭ رۋحتارىنا تاعزىم ەتىلدى.
ءسوز سوڭىندا ۇلىقبەك ەسداۋلەت ءتوراعالىقتان باس تارتاتىنىن اتاپ ءوتتى.